ኣብ መንጎ ክልል ትግራይን ኣምሓራን ሕቶ ዝለዓለሎም ከባቢታት ብዝምልከት ናትና ጥራሕ መፍትሒ ይተግበር ኣይበልናን-ቀ/ሚ ኣቢይ (ዶ/ር)

ኣዲስ ኣበባ ፣ 4 ሕዳር ፣ 2016 (ኤፍ ቢ ሲ)ቀዳማይ ሚኒስትር ኣቢይ ኣሕመድ(ዶ/ር) ካብ ኣባላት ባይቶ ወከልቲ ህዝቢ ንዝተልዓሉ ሕቶታት ምላሽ ሂቦም።

እቶም ቀዳማይ ሚኒስትር ኣብ መንጎ ክልላት ትግራይን ኣምሓራን ሕቶታት ዝለዓሎም ቦታታት ሕጊ ዝተኸተለ፣ ዘላቒ ሰላም ዘኽበረን ሓድነት ህዝቢ ዘቐደመን ኣንፈት መፍትሒ ክንክተል ኣለና ብምባል ንሰርሕ ኣለና ኢሎም።

ይኹን እንበር ናትና ጥራሕ መፍትሒ ይተግበር ኣይበልናን ክብሉ ገሊፆም።

ንዘላቒ ሰላምን ሓድነት ህዝብን ዝኸውን መፍትሒ ንዘምፅኡ ኣካላት በሪና ክፍቲ ኢዩ ብምባል፥ ናትና ድልየት ኣብ መንጎ ክልቲአን ክልላት ዘላቒ ሰላም ነጊሱ ምርኣይ ኢዩ ኢሎም።

ናይ ህዝቢ ድልየት እውን ካብዚ ዝተፈለየ ኣይኮነን ክብሉ ገሊፆም።