ኣዲስ ኣበባ፣ 3 መጋቢት፣ 2015 (ኤፍ ቢ ሲ)ኣብዚ ዓመት ብልምዓት መስኖ ስርናይ ሓጋይ ልዕሊ 52 ሚሊየን ኩንታል ፍርያት ይርከብ እዩ ተባሂሉ ትፅቢት ከምዝግበር ሚኒስቴር ሕርሻ ኣፍሊጡ፡፡
ላዕለዎት ሓለፍቲ ሚኒስቴር ሕርሻ፣ ሓለፍቲ ቢሮ ሕርሻ ክልልን መዳርግቲ ኣካላትን ኣብ ክልል ኦሮምያ ዞባ ምብራቕ ሽዋ ኣብ ዝተፈላለዩ ወረዳታት እናለመዐ ኣብ ዝርከብ መስኖ ስርናይ ሓጋይ ዑደት ኣካይዶም፡፡
ሚኒስትር ሕርሻ ግርማ ኣመንቴ÷ እቲ ዑደት ሃገር ለኸ ዑደት ምኳኑ ብምግላፅ፤ ሓደ ክልል ካብ ካልእ ዝሓሸ ልምዲ ዝቐስመሉ፣ ተመራመርትን ሙሁራት ዩኒቨርስቲን ድማ ተሞክሮ ዝህብሉን ከምዝኾነ ኣብሪሆም፡፡
ኣብዚ ዓመት ልዕሊ 1 ነጥቢ 3 ሚሊየን ሄክታር መሬት ብመስኖ ስርናይ ሓጋይ ከምዝተሸፈነ ዝተገለፁ እቶም ሚኒስትር÷ ካብዚ ድማ ልዕሊ 52 ሚሊየን ኩንታል ፍርያት ክርከብ እዩ ዝብል ትፅቢት ከምዘሎ ተዛሪቦም፡፡
እቲ ፍርያት ተኣኪቡ ናብ ዕዳጋ እንትኣቱ÷ ኣብዚ ሕዚ እዋን ከም ሃገር እናተርኣየ ዝርከብ ዘይምርግጋእ ዕዳጋ ብዝለዓለ ኩነታት ከምዝፈትሕ ዶክተር ገሊፆም፡፡
ሓላፊ ቢሮ ሕርሻ ክልል ኦሮምያ ጌቱ ገመቹ ብግደኦም÷ ኣብዚ ዓመት ከም ክልል ልዕሊ 1 ነጥቢ 1 ሚሊየን ሄክታር መሬት ብመስኖ ስርናይ ሓጋይ ብምሽፋን፤ ልዕሊ 38 ነጥቢ 5 ሚሊየን ኩንታል ፍርያት ንምርካብ እናተሰርሐ ከምዝርከብ ምግላፆም ካብ ሚኒስቴር ሕርሻ ዝረኸብናዮ ሓበራታ የረድእ፡፡
እዋናዊ ሓበሬታ ንምርካብ፦
ቴሌግራም ገፅና https://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna https://www.youtube