ኣዲስ ኣበባ፣ 20 ጥሪ፣ 2013 (ኤፍ ቢ ሲ)ፍሉይ ልኡኽን በዓል ምሉእ ስልጣን ኣምባሳደር ኢትዮጵያን ኣብ ኦማን ኣምባሳደር ዶክተር አይሮሪት መሐመድ ያሲን ምስ ሓለፍቲ ናፃ ዞባ ኢኮኖሚ ሰላላህ ተዛቲዮም።
እቶም ኣምባሳደርን ሰራሕተኛታት እቲ ኤምባሲን፥ ምስ ፈፃሚ ስራሕ ሰላላህ ናፃ ዞባ ኢኮኖሚ ኣይተ ዓሊ ሞሓመድ ታቡክ ኢዮም ኣብ ዝተፈላለዩ ጉዳያት ንግዲን ኢንቨስትመንትን ኣድሂቦም ዝተዛተዩ።
ኣብቲ እዋን ዘተ ኣብ ኢትዮጵያ ብዛዕባ ዘለዉ ኣማራፂታት ኢንቨስትመንት ዝምልከት መብርሂ ተዋሂቡ።
ሓለፍቲ ናፃ ዞባ ኢኮኖሚ ሰላላ ብግደኦም፥ ብዛዕባ ኣሰራርሓ ናፃ ዞባ ኢኮኖሚ ሰላላን ኣብ ውሽጡ ዘለዉ ኣገልግሎታትን ፋብረካታትን ገለፃ ገይሮም፡፡
ኣብቲ ዝተገበረ ዘተ ኣብ ሞንጎ ኢትዮጵያን ኦማንን ዘሎ ርክብ ኢኮኖሚ ንምጥንኻር ብምትሕብባር ንምስራሕ ኣብ ምርድዳእ ከምዝተበፅሐ ካብቲ ኤምባሲ ዝረኸብናዮ ሓበሬታ የረድእ፡፡
እዋናዊን ሓዱሽን ሓበሬታ ንምርካብ
ቴሌግራም ገፅና https://t.me/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna
https://www.youtube.com/c/fanabroadcastingcorporate/ሰብስክራይብ
ይግበሩ/ራ!