ኣሜሪካ ኣብ ኢትዮጵያ ሰላምና ምዕባለን ንምርግጋፅ ዝግበር ፃዕሪ ንምድጋፍ ቆራጽ ከምዝኾነት ገሊፃ

ኣዲስ ኣበባ፣ 19 ሓምለ፣ 2014 (ኤፍ ቢ ሲ)ኣሜሪካ ምስ መንግስቲ ኢትዮጵያን ክልላዊ ምምሕዳራትን ኢሉ እውን ምስ ትካላት ማሕበረሰብ ብምትሕብባር ኣብታ ሃገር ሰላምና ምዕባለን ንምርግጋፅ ዝስርሑ ስራሕቲ ንምድጋፍ ቆራጽ ከምዝኾነት ኣፍሊጣ።

ኣብ ኤምባሲ ኣሜሪካ ኣፈፃሚት ጉዳይ መንግስቲ ኣሜሪካ ኣብ ኢትዮጵያ ኣምባሳደር ትሬሲ ኣን ጃኮብሰን ኣብ ኢትዮጵያ ንዝገብረኦ ቀፃሊ ዑደት ጅማሮ ምዕራፍ፥ ኣብ ክልል ኦሮሚያ ከተማ ኣዳማ ብመንግስቲ ኣሜሪካ ዝተሰርሑ መሰረተ ልምዓታት ተዓዚበን፡፡

ኣምባሳደር ትሬሲ አን ጃኮብሰን፥ ምስ ከንቲባ ከተማ ኣዳማ ኣይተ ሃይሉ ጀልዴ ብምዃን ምስ ተወከልቲ ሕብረተሰብ ከምዝተዛተያ እውን ተሓቢሩ፡፡

ብመንግስቲ ኣሜሪካ ኣብ ዝተሰርሑ መሰረተ ልምዓታት ጥዕና ዑደት ዝገበራ እተን ኣምባሳደር፥ ምስ መናእሰይ ረኺበን ከምዘዛተያ እውን ተገሊፁ፡፡

ኣብ ቀፃሊ ብሓባር ብምስራሕ ኣብ ዝከኣለሎም ጉዳያት ምስ ከንቲባ ከተማ ኣዳማ ኣይተ ሃይሉ ጆልዴ ከምዝተዛተያ እቲ ኤምባሲ ንፋና ብሮድካስቲንግ ኮርፖሬት ኣብ ዝለኣኾ ሓበሬታ ኣፍሊጡ።

መንግስቲ ኣሜሪካ ኣብ ኢትዮጵያ ቀፃሊ ሓገዝ ንምግባር ንኽኽእል ኣብቲ ክልል ዝርከቡ መናእሰይ ክፋላት ሕብረተሰብን መዳርግቲ ኣካላትን ኣብ ሰፋሕቲ ጉዳያ ብምዝታይ ስራሕ ከምዝጀመረ ተገሊፁ፡፡

እዋናዊ ሓበሬታ ንምርካብ፦

ቴሌግራም https://t.e/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna https://www.youtube.com