ኣዲስ ኣበባ ፣ 12 ግንቦት፣ 2015 (ኤፍ ቢ ሲ)ኣሜሪካ ምዕራባውያን መሻርኽታ ባዕላ ዝሰርሐተን ኤፍ-16 ዝዓይነተን ሓዊስካ ኣብ ዓለም ኣለዋ ዝበሃላ ዘበናውያን ነፈርቲ ውግእ ንዩክረይን ከዕጥቓ ፍቓድ ክትህብ ምዃና ኣፍሊጣ።
ኣማኻሪ ሃገራዊ ድሕነት ኣሜሪካ ጃክ ሰሊቫን ኣብ ዝሃብዎ ሓበሬታ፥ ፕሬዚደንት ኣሜሪካ ጆ ባይደን ኣብ ጃፓን ይሰላሰል ኣብ ዘሎ ጉባኤ ኣባል ሃገራት ጉጅለ-7 ተረኺቦም ትማሊ ዓርቢ እቲ ሓሳብ ብወግዒ ምዝራቦም ገሊፆም።
ብተወሳኺ ወተሃደራት ኣሜሪካ ንዩክሬናውያን መዘናታቶም ብዛዕባ ኣጠቓቕማ እተን ዘበነዎት ነፈርቲ ውግእ ስልጠና ክህብዎም ከምዝኾኑ ሓቢሮም።
ዩክረይን ምስ ሩስያ ኣብ ኵናት ካብ እትፅመድ ጀሚሩ ምዕራባውያን መሻርኽቶም ዘበነዎት ነፈርቲ ውግእ ክህብኦም ተደጋጋሚ ምሕፅንታ ከቕርቡ ዝፀንሐ ፕሬዚደንት ዩክረይን ቮሎድሚር ዘለንስኪ፥ ንውሳነ ኣሜሪካ “ታሪኻዊ” ክብሉ ገሊፀምዎ።
ኣሜሪካ ቅድሚ ሕዚ ንመሻርኽታ ዘዕጠቐተን ዘበነዎት ነፈርቲ ውግእ ኤፍ-16 ንኻልእ ወገን ኣሕሊፈን ክህባ እንተድኣ ደልየን ፍቓድ ኣሜሪካ ክረኽባ ዘገድድ ሕጊ ከምዘለዋ ቢቢሲ ፀብፂቡ።
እዋናዊ ሓበሬታ ንምርካብ፦
ቴሌግራም ገፅናhttps://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna
https://www.youtube.com/…/%E1%88%B0%E1%89%A5%E1%88%B5… ይግበሩ/ራ!
ሓዱሽ መተግበሪ ፋና ብሮድካስቲንግ ኮርፖሬት
https://play.google.com/store/apps/details… ኣብ ቴሌፎኖም/ነን ብምፅዓን ቀጥታ ፈነወ ቴሌቪዥን፣ ኤፍኤም 98.1ን ብሄራዊ ራዲዮን ይከታተሉ/ላ። ተንቀሳቐስቲ ምስልታት እውን ይከታተሉ/ላ።