ኢጋድ ኣብ ሓለዋ ስደተኛታት ጠሚቱ ይዛተ ኣሎ

ኣዲስ ኣበባ፣ 7 ጥቅምቲ፣ 2016 (ኤፍ ቢ ሲ)በይነ መንግስታት ልምዓት ምብራቕ ኣፍሪካ (ኢጋድ) ኣብ ሞንጎ ኣባል ሃገራት ዘሎ ሓለዋ ስደተኛታት ኣመልኪቱ ኣብ ዘሰናደኦ ሓዱሽ ማዕቐፍ ፖሊሲ ጠሚቱ ኣብ ኣዲስ ኣበባ መዛዘሚ ዘተ የካይዳ ኣሎ።

ኣብቲ መድረኽ ተወከልቲ ኣባል ሃገራት፣ ተወከልቲ ኮሚሽን ውድብ ሕቡራት መነግስታትን ካልኦት መዳርግቲ ኣካላትን እናተሳተፉ ይርከቡ፡፡

ኣብ ሞንጎ ኣባል ሃገራት ቁፅሪ ስደተኛታት ካብ እዋን ናብ እዋን እናወሰኸ ከምዝመፅ ኣብቲ መድረኸ ተላዒሉ።

በዚ ድማ ብፖሊሲ ዝተሓገዘ ሓዱሽ ኣንፈት መፍትሒ ከምዘድሊ ተኣሚኑሉ።

ብምዃኑ ሓዱሽ ማዕቐፍ ፖሊሲ ሓለዋ ስደተኛታት ተሰናዲኡ ንሰለስተ መዓልቲ ዘተ እናተገበረሉ ፀኒሑ።

ኣብ ትግበራ እቲ ፖሊሲ ድማ ኣባል ሃገራት ግደአን ንኽዋፅኣ ፃውዒት ቀሪቡ።

ኣብ ውሽጢ ኣባል ሃገራት ኢጋድ ልዕሊ 5 ሚሊየን ስደተኛታት ከምዝርከቡ ምሕባሩ ግዜኢ ፀብፂቡ፡፡

#Ethiopia

እዋናዊ ሓበሬታ ንምርካብ፦

ቴሌግራም ገፅናhttps://t.e/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna https://www.youtube.com/…

ሓዱሽ መተግበሪ ፋና ብሮድካስቲንግ ኮርፖሬት https://play.google.com