ኢትዮ ቴሌኮም ኣብ ግልጋሎት ብሮድባንድ ኢንተርኔት ቅነሳ ዋጋ ገይሩ

ዋና ፈፃሚት ስራሕ ኢትዮ ቴሌኮም ወይዘሪት ፍሬህይወት ታምሩ፥ እቲ ዝተገበረ ምምሕያሽ ኣብ ፅሬት ኣወሃህባ ግልጋሎት ትካላት ትምህርቲ፣ ጥዕና፣ ፋይናንስን ካልኦት ትካላት ንግዲን ልዑል ኣስተዋፅኦ ከምዝህልዎ ገሊፀን።

ብፍላይ ኣብ ተበፃሕነትን ግልፅነትን ግልጋሎት መንግስቲ ናይ ባዕሉ ኣበርክቶ ከምዝህልዎ ኣብሪሀን።

126 ዓመት ዘቑፀረ ኢትዮ ቴሌኮም፥ ኣብ ቀረባ እዋን ናይ ሰለስተ ዓመት ስትራቴጂክ ትልሚ ምውፅኡ ይዝከር።

እቲ ምምሕያሽ ድሌት ዓማዊሉ ንምዕጋብን ንዓማውቲ ብዓማዊል እናተለዓሉ ንዝነበሩ ሕቶታት ምላሽ ንመሃብን ተሓሲቡ ዝተገበረ ኢዩ ተባሂሉ።

ብምስክር ስናፍቅ