ኣዲስ ኣበባ፣ 11 መስከረም፣ 2016 (ኤፍ ቢ ሲ)ጉዳያት ሰብኣዊ መሰላት ንኽምርምር ዝተሰየመ ዓለም ለኸ ጉጅለ ሰብ ሞያ ሰብኣዊ መሰላት ኣብ መበል 54 ኣኼባ ቤት ምኽሪ ሰባኣዊ መሰል ዘቕረቦ ሪፖርት ኢትዮጵያ ከምዘይትቕበሎ ኣፍሊጣ።
ቀዋሚ ልኡኽ ኣምባሳደር ፌዴሪኢ ኣብ ስዊዘርላንድ ጄኔቫ ፀጋኣብ ክበበው ዝቐረበ ሪፖርት ስዒቡ ኣብ ዝሃቡዎ መብርሂ÷ እቲ ሪፖርት ኢትዮጵያ ዘይትቕበሎ ከምዝኾነ ገሊፆም።
ስምምዕነት ሰላም ፕሪቶሪያ ካብ ዝፍረም ንደሓር ኢትዮጵያ ሰላም ንምርግጋፅ ዘኽእል ፃዕራ ኣጠናኺ ከምዝቐፀለት ተዛሪቦም።
ዝተፈጠረ ኣፈላላይ ንምፍታሕ ዘኽእል መገዲ ኣማራፂ ሰላም ብምኽታል እናተሰርሐ ከምዝኾነ ብምሕባር፤ ተሓታትነት ንምዕሳል እናተሰርሐ ከምዝኾነ እውን ኣመልኪቶም።
ብወገን ኢትዮጵያ ብዙሓት ፃዕሪታት ይገበሩ እምበር እቲ ጉጅለ ብሕብረት ኣፍሪካ ኣቢሉ ዝተኻየደ ከይዲ ሰላም ምዕሳል ሓዊሱ እናተሰርሑ ዝርከቡ ስራሕቲ ንምቕባል ድሌት ከምዘየርአየ ኣብሪሆም።
እዋናዊ ሓበሬታ ንምርካብ፦
ቴሌግራም ገፅናhttps://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna https://www.youtube.com/…
ሓዱሽ መተግበሪ ፋና ብሮድካስቲንግ ኮርፖሬት https://play.google.com