ኣዲስ ኣበባ፣ 22 መስከረም፣ 2016 (ኤፍ ቢ ሲ)ኢትዮጵያ ኣብ ማእኸላይ ምብራቕ ‘ሓምለዋይ በረኻ፣ ዝሐሸ ከባቢ’ ብዝብል መሪሕ ሓሳብ ኣብ ዶሃ ቢዳ ፓርክ ዝተኸፈተ ዓለም ለኸ ዓውደ ምርኢት ሆርቲካልቸር ትተሳተፍ ኣላ።
ኣብ ኳታር ኣሚር ሼክ ታሚም ቢን ሃማድ ኣል ታኒ ዝተኸፈተ ዓውደ- ምርኢት÷ በረኻነት ናይ ምውጋእ ዕላማ ዘለዎ ከምዝኾነን ዘበናዊ ሕርሻ፣ ቴክኖሎጂን ፈጠራን፣ ግንዛበ ሓለዋ ከባቢን ዘላቕነትን ንምሕጋዝ ዝዓለመ ከምዝኾነ ተገሊፁ፡፡
ካብዚ ብተወሳኺ ኺውዲ ሆርቲካልቸር ንምፍላጥን ንምድንፋዕን ተሓሲቡ ዝተሰናደአ ዓውደ- ምርኢት ምዃኑ ካብ ኤምባሲ ኢትዮጵያ ኣብ ኳታር ዝረኸብናዮ ሓበሬታ የረድእ፡፡
እቲ ዓውደ- ምርኢት ኣብ ክልተ ዓመት ሓደ ግዘ ከምዝካየድ እውን ተሓቢሩ፡፡
ን179 መዓልቲታት ኣብ ዝፀንሕ ዓውደ ምርኢት÷ ናይ ውልቀ ኩባንያታት ሓዊሱ 80 ዝኾና ሃገራት፣ መንግስታዊ ዘይኮኑ ትካላትን ዓለም ለኸ ሰብ ሞያ እቲ ዓውዲን እናተሳተፉ ይርከቡ፡፡
እዋናዊ ሓበሬታ ንምርካብ፦
ቴሌግራም ገፅናhttps://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna https://www.youtube.com/…
ሓዱሽ መተግበሪ ፋና ብሮድካስቲንግ ኮርፖሬት https://play.google.com