ኣዲስ ኣበባ፣ 1 ግንቦት፣ 2015 (ኤፍ ቢ ሲ)ኢትዮጵያ ኢንቨስትመንት ወፃኢኣ ንምዕባይ ምምሕያሻት ፓሊሲ እናገበረት ምዃና ሚኒስትር ዴኤታ ጉዳያት ወፃኢ ኣምባሳደር ምስጋኑ ኣረጋ ገሊፆም።
ፎረም ቢዝነስ ኢትዮጵያን ፓኪስታንን ሎሚ ኣብ ፓኪስታን ከተማ ካራቺ ምክያድ ጀሚሩ፡፡
እቲ ፎረም÷ ክልቲአን ሃገራት ብዝበለፀ ብንግዲን ኢንቨስትመንትን ዘለወን ርክብ ኣብ ዘጠናኽራሎም ጉዳያት ትኹረት ብምግባር እናተሳለጠ ይርከብ።
ሚኒስትር ዴኤታ ጉዳያት ወፃኢ ኣምባሳደር ምስጋኑ ኣረጋ ኣብ መኽፈቲ እቲ ፎረም ከምዝበሉዎ÷ ኢትዮጵያ ምስ ፓኪስታን ዘለዋ ዲኘሎማሲያዊን ርክብ ንግዲን ንምድንፋዕ ኣብ ዝሓለፉ ሓሙሽተ ዓመታት ፍሉይ ትኹረት ሂባ እናሰርሓት ትርከብ።
ኢትዮጵያ ኢንቨስትመንት ወፃኢ ብዝበለፀ ንምስሓብ ምምሕያሻት ፓሊሲ እናገበረት ከምዝኾነት ብምግላፅ÷ ሰብ ሃፍቲ ፓኪስታን እቲ ዕድል ንኽጥቀሙ ሓቲቶም።
ሚኒስትር ዲኤታ በዓል መዚ ንግዲን ልምዓትን ፓኪስታን ዙቤር ሞቲዋታ ብግደኦም÷ ፓኪስታን ምስ ኣፍሪካ ኣብ ዘለዋ ርክብ ኢትዮጵያ ወሳኒት ኣገር ምዃናን ክልቲአን ሃገራ ዘለወን ዓሚቕን ተነፃፃሪን ዓቕሚ ቢዝነስ ብምጥቃም ልውውጥ ንግዶም ከዕብዩ ከምዝግባእ ምግላፆም ካብ ሚኒስቴር ጉዳያ ወፃኢ ዝረኸብናዮ ሓበሬታ የረድእ።
እዋናዊ ሓበሬታ ንምርካብ፦
ቴሌግራም ገፅና https://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna https://www.youtube