ኣዲስ ኣበባ ፣ 18 ጥቅምቲ፣ 2015 (ኤፍ ቢ ሲ)ኢትዮጵያ ንተካይዶ ሃገራዊ ምኽክር ልዝብ ፓርቲታት ፖለቲካ እወንታዊ ግደ ከምዝፃወት ብሄራዊ ቦርድ መረፃ ኢትዮጵያ ገሊፁ።
ቦርድ መረፃ ኢትዮጵያ÷ ኣብ ሞንጎ ፓርቲታት ፖለቲካ ዝግበር ልዝብ ንኽቕፅል ምስ ኣመራርሓ ፓርቲታት እናተዛተየ ይርከብ።
ምክትል ኣካቢ እቲ ቦርድ ውብሸት ኣየለ÷ ቅድሚ ሕዚ ሰነድ ስምምዕነት ከምዝተፈረመ ብምሕባር እቶም ፓርቲታት ርክቦም ንኽጠናኸር ልዝባት ከምዝግበሩ ገሊፆም።
ኣብቲ መድረኽ ዝተረኸቡ ፓርቲታት ፖለቲካ ብግደኦም÷ ዘይምስምዕማዕ ፓርቲታት ፖለቲካ ኣብ ሓድነት ሃገር ሓደጋ ዘንፀላሉ ስለዝኾነ ምምኽኻርን ምልዛብን ኣድላዪ ከምዝኾነ ገሊፆም።
ውብሸት ኣየለ ከምዝበሉዎ÷ ኢትዮጵያ ዋላኳ ስርዓት መድብለ ፓርቲ ትኽተል እንተኾነት ፅዕንቶ ኣካይዳ ሓደ ፓርቲ ከምዘሎ ኣልዒሎም፡፡
ይኹን እምበር ፓርቲታት እንተዝቀራረቡን እንተዝዘራረቡን እዚ መልክዕ ምቕያር ይከኣል ኢ ብዝብል ካብ 53 ፓርቲታት እቶም 43 ፓርቲታት ዝፈረሙሉ ሰነድ ንተግባራዊነቱ ከምዝተሰናድኡ ኣልዒሎም።
ብፀጋዬ ወንድወሰንን ኣፈወርቅ እያዩ
እዋናዊ ሓበሬታ ንምርካብ፦
ቴሌግራም https://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrgna