ኢትዮጵያን ናይጄሪያን ብወተሃደራዊ ዓውዲ ብምትሕብባር ምስራሕ ኣብ ዘኽእሉ ዛዕባታት ዘቲየን

ኣዲስ ኣበባ፣ 11 ታሕሳስ፣ 2017 (ኤፍ ኤም ሲ)ኢትዮጵያን ናይጄሪያን ብወተሃደራዊ ዓውዲ ብምትሕብባር ምስራሕ ኣብ ዘኽእሉ ዛዕባታት ዘቲየን።

ብኮማንዳንት ዩንቨርስቲ ሰራዊት ምክልኻል ኢትዮጵያ ብርጋዲየር ጀኔራል ከበደ ረጋሳ ዝተመርሐ ልኡኽ ኣብ ናይጄሪያ ዑደት ስራሕ ይገብር ኣሎ።

እቶም ኣባላት ልኡኽ ኣብቲ ዑደት፥ ኣብ ዋና ቤት ዕዮ ምክልኻል ናይጄሪያ ብምርካብ ኣብ ክልቲኣዊ ወተሃደራዊ ሓበራዊ ዛዕባታት ዘቲዮም።

እቲ ዘተ ወተሃደራዊ ዓቕሚ ሰራዊት ምክልኻል ክልቲአን ሃገራት ብትምህርቲን ስልጠናን ከብ ምባል ኣብ ዘኽእሉ ሓበራዊ ጉዳያት ጠመተ ዝገበረ ከምዝኾነ ተገሊፁ።

ብክልቲአን  ሃገራት ዓምዩቕ ዘተ ብምግባር ጠንካራ ስምምዕነት ክካየድ ኢዩ ዝብል ትፅቢት ከምዘሎ ኣብ ማሕበራዊ ሚዲያ ሰራዊት ምክልኻል ዝረኸብናዮ ሓበሬታ የረድእ።