ኣዲስ ኣበባ፣ 10 ጥሪ፣ 2015 (ኤፍ ቢ ሲ)መንግስቲ ኢትዮጵያን ኩባኒያ ሕቡራት ኤምሬታት ዓረብ ዝኾነ ማስዳርን 500 ሜጋ ዋት ክልተ ጣቢያ ሶላር (ሓይሊ ፀሓይ ብርሃን) ብሓባር ንምልማዕ ዘኽእሎም ስምምዕነት ተፈራሪመን።
ቀዳማይ ሚኒስትር ኣቢይ ኣሕመድ ምስ ፕሬዚዳንት ሕቡራት ኤምሬታት ዓረብ መሃመድ ቢን ዛይድ ኣል ናህንያን ኣብ ቤተ መንግስቲ ቃስር ኣል ሻቲ ተራኺቦም ተዛቲዮም።
በዚ ድማ ኢትዮጵያን ሕቡራት ኤምሬታት ዓረብን ሓይሊ ኤሌክትሪክ ንምፍልፋል ዝኽእል ስምምዕነት ተፈራሪሞም።
ቀዳማይ ሚኒስትር ኣቢይ ኣሕመድ ኣብ ማሕበራዊ ምትእአስሳር ገፆም ኣብ ዘመሓላለፉዎ ፅሑፍ÷ “ኢትዮጵያ ሰፊሕ ሃፍቲ ዝሕደስ ሓይሊ ኣለዋ” ክብሉ ገሊፆም።
“ብብርኪ ዓለም ምልቃቕ ካርበን ባዶ ንምግባር ዒላማ ብምግባር ዝሕደስ ሓይሊ ንምጥቃምን ዘተኣማምን፣ ንፁህን ተመጣጣኒን ዋጋ ዘለዎ ሓይሊ ንኢትዮጵያን ንካልኦትን ተበፃሒ ንምግባር ዓብዪ ዓቕሚን ዕድል ኢዩ” እውን ኢሎም።
እዋናዊ ሓበሬታ ንምርካብ፦
ቴሌግራም https://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrgna