ኣዲስ ኣበባ፣ 14 ሚያዝያ፣ 2016 (ኤፍ ቢ ሲ)ኣብ ዝመፅእ ክረምቲ ን50 ሺሕ መምህራንን ኣመራርሓ ትምህርቲን ናይ ብቕዓት ስልጠና ከምዝወሃብ ሚኒስቴር ትምህርቲ ገሊፁ።
እቲ ስልጠና ፀገም ፅሬት ትምህርቲ ንምፍታሕን ብቕዓት መምህራን ንምድንፋዕን ዝዓለመ እንትኸውን÷ ኣብ ዝተመረፃ ዩኒቨርሲፃትን ኮሌጃት ክወሃብ ኢዩ ተባሂሉ።
ኣብ ሚኒስቴር ትምህርቲ መሪሕ ፈፃሚ ስራሕ መምህራንን ትምህርቲን ሙሉቀን ንጋቱ (ዶ/ር)÷ እቶም መምህራን ኣብ ዘምህሩዎ ዓይነት ትምህርቲን መምሀሪ ሜላታትን ከምዝስልጥኑ ንፋና ብሮድካስቲንግ ኮርፖሬት ተዛሪቦም።
ን42 ሺሕ መምህራን 120 ሰዓት፤ ን8 ሺሕ ኣመራርሓ ትምህርቲ ድማ 60 ሰዓት ስልጠና ከምዝወሃቦም ዝተገለፀ እንትኸውን÷ ስልጠነኦም እንትዛዝሙ ድማ ፈተና ከምዝወስዱ እቶም ፈፃሚ ስራሕ ተዛሪቦም፡፡
እቲ ስልጠና÷ ኣብ መምህራንን ኣመራርሓ ትምህርቲን ዘሎ ክፍተት ፍልጠትን ሜላን ምስትምሃር ንምምላእ ከምዝሕግዝ ተገሊፁ፡፡
ብኣልማዝ መኮንን
እዋናዊ ሓበሬታ ንምርካብ፦
ቴሌግራም ገፅናhttps://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna https://www.youtube.com/…
ሓዱሽ መተግበሪ ፋና ብሮድካስቲንግ ኮርፖሬት https://play.google.com