ኣዲስ ኣበባ ፣ 26 ሚያዝያ፣ 2013 (ኤፍ ቢ ሲ)ን27 ዓመታት ኣብ ሓዳር ዝፀንሑ ናይ ዓለምና ሃፋታም ቢል ገይትን ብዓልቲ ቤቱ መሊንዳ ገይትን ከምዝተፋትሑ ተገሊፁ።
እቶም ሰብ ሓዳር፥ “ድሕሪ ሐዚ ከም መፃምድቲ ኮይንና ብሓባር ክንዓቢ ኣይንኽእልን” ብምባል ከምዝተፋትሑ ገሊፆም።
ቢል ገይትን መሊንዳ ገይትን ኣብቲ ንምፍትሖም ዝገልፅ ብሓባር ኣብ ትዊተር ዝፀሓፍዎ “ብዛዕባ ሓዳርና ነዊሕ ምይይጥ ድሕሪ ምክያድ ክንፋታሕ ናብ ውሳነ በፂሕና” ኢሎም።
ንሳቶም ከም ኣቆፃፅራ ኣውሮፓውያን ኣብ 1980ታት መሊንዳ ኣብቲ ብቢል ገይት ዝተመስረተ ማይክሮሶፍት ምስ ተፀንበረት’ዮም ተላልዮም።
ቢል ገይት ብሃብቱ ካብ ዓለምና ኣብ ራብዓይ ደረጃ ዝስራዕ እንትኸውን፥ ኣብዚ ሕዚ እዋን 124 ቢልየን ዶላር ከምዝውንን ፎርብስ ዘውፅኦ ፀብፃብ የረድእ።
እቶም ቢልዮነራት ዝኾኑ መፃምድቲ ሰለስተ ቆልዑ ወሊዶም ከምኡ’ውን “ቢል ኤንድ መሊንዳ ጌትስ” ዝተብሃለ ትካል ግብረ-ሰናይ ምጥያሾም ይፍለጥ።
ትካል ግብረ-ሰናይ ‘ቢል ኤንድ መሊንዳ ገይትስ’ ኣብ ምጥፋእ ተመሓላለፍቲ ሕማማትን ህጻናት ንኽኽተቡ ንምትብባዕን ቢልዮናት ዶላራት ዝመወለ ትካል እዩ።
ፍልፍል፦ቢቢሲ
እዋናዊ ሓበሬታ ንምርካብ፦
ቴሌግራም ገፅና https://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna
https://www.youtube.com/…/%E1%88%B0%E1%89%A5%E1%88%B5… ይግበሩ/ራ!
ሓዱሽ መተግበሪ ፋና ብሮድካስቲንግ ኮርፖሬት
https://play.google.com/store/apps/details… ኣብ ቴሌፎኖም/ነን ብምፅዓን ቀጥታ ፈነወ ቴሌቪዥን፣ ኤፍኤም 98.1ን ብሄራዊ ራዲዮን ይከታተሉ/ላ። ተንቀሳቐስቲ ምስልታት እውን ይከታተሉ/ላ።