ኣዲስ ኣበባ፣ 20 ሕዳር፣ 2017 (ኤፍ ቢ ሲ)ቢሮ ማይን ኢነርጅን ግዚያዊ ምምሕዳር ክልል ትግራይ ንከተማ ዕዳጋ ሓሙስ ተረባሒት ዝገብር ብ31 ሚሊየን ብር ወፃኢ ዝርገሐ መስመር ፅሩይ መስተ ማይ ከምዘሳልጥ ተገሊፁ።
እቲ ዝርገሐ ማይ 2 ነጥቢ 4 ኪሎ ሜትር ንውሓት ዘለዎ እንትኸውን፥ ንልዕሊ 20 ሽሕ ነበርቲ ተረባሕቲ ዝገብር ከምዝኾነ ተሓቢሩ።
ብመሰረት እዚ እቲ ፕሮጀክት ማይ ንምስላጥ ዘኽእል ምርኽኻብ ቦታ (ሳይት) ተሳሊጡ።
ሓላፊ እቲ ቢሮ ኣይተ ሞጎስ ገብረእግዚኣብሄር፥ ብሰንኪ ኲናት ህንፀቱ ተቛሪጹ ዝፀንሐ ቐረብ መስተ ማይ ከተማ ዕዳጋ ሓሙስ ዝነበረ ውዕሊ ብምሕዳስ ህንፀቱ ከምዝጅሞር ገሊፆም።
እቲ ብደገፍ ዓለምለኸ ትካል መድሕን ህፃናት (ዩኒሴፍ) ከምዝሳለጥ ዝገለፅዎ ፕሮጀክት፥ ኣብ ውሽጢ ሰለስተ ወርሒ ከምዝዛዘም እውን ሓቢሮም።
ብፅሬትን ብዝተተሓዘሉ ግዘ ገደብን ተሃኒፁ ናብ ግልጋሎት ንክኣቱ ዝምልከቶም ኣካላት ክትትል ንክገብሩ ኣተሓሳሲቦም።