ኣዲስ ኣበባ፣ 4 ነሓሰ፣ 2015 (ኤፍ ቢ ሲ)ንመበል ሳልሳይ ኦፕሬተር ቴሌኮም ኣብ 2016 ዓ.ም ቀዳማይ ፈረቓ ዓመት ፍቓድ ንምሃብ ትልሚ ከምዝተትሓዘ በዓል መዚ ኮሙኒኬሽን ኢትዮጵያ ኣፍሊጡ።
ኣብ ኢትዮጵያ ኣብ ቀረባ እዋን ተግባራዊ ዝግበር ካብ ሃገር ቦቆም ምምሕያሽ ኢኮኖሚ ሓደ ዝኾነ ብመንግስቲ ጥራሕ እንትቐርብ ዝነበረ ኣገልግሎት ቴሌኮም ምምሕያሽ ንዓለም ለኸ ኣቕረብቲ ክፍቲ ምግባር ኢዩ።
ነዚ ስዒቡ ንክልተ ሓደሽቲ ትካላት ቴሌኮም ፍቓድ ንምሃብ ቅድም ክብል ጨረታ ወፂኡ ብሳፋሪኮም ዝተመርሐ ጥምረት ኣብ 2013 ዓ.ም ፈላማይ ፍቓድ ምውሳዱ ይፍለጥ።
ኣብቲ ጨረታ ተሳቲፉ ዝነበረ ኤም ቲ ኤን ግሩፕ ኣብቲ እዋን ኣቕሪቡዎ ዝነበረ ገንዘብ ምስ ሳፋሪኮም ኣፈላላዩ ብምስፍሑ መበል ካልኣይ ፍቓድ ከይተውሃበ ከምዝተረፈ ካብቲ በዓል መዚ ዝረኸብናዮ ሓበሬታ የረድእ።
ኣብዚ ሐዚ እዋን መበል ሳልሳይ ኦፕሬተር ቴሌኮም ብኸመይ መገዲ ክንቀሳቐስ ከምዝግባእ ንምውሳን መስ ዝመልከቶም ኣካላት ዘተ ብምግባር ኣድላዪ ምድላው ከምዝተገበረ ዋና ዳይሬክተር በዓል መዚ ኮሙኒኬሽን ኢትዮጵያ ባልቻ ሬባ (ኢ/ር) ገሊፆም።
ብመሰረት እዚ ኣብ ኢትዮጵያ ንመበል ሳልሳይ እዋን ኣገልግሎት ወሃቢ ትካል ቴሌኮም ፍቓድ ንምሃብ ሰነድ መሕተቲ ብቕዓት ከምዝወፅአ ተዛሪቦም።
ንመበል ሳልሳይ ኦፕሬተር ቴሌኮም ኣብ 2016 ዓ.ም ቀዳማይ ፈረቓ ዓመት ፍቓድ ንምሃብ ከምዝተተለመ እውን ተዛሪቦም ክብል ግዜኢ ፀብፂቡ።
እዋናዊ ሓበሬታ ንምርካብ፦
ቴሌግራም ገፅናhttps://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna
https://www.youtube.com/…/%E1%88%B0%E1%89%A5%E1%88%B5… ይግበሩ/ራ!
ሓዱሽ መተግበሪ ፋና ብሮድካስቲንግ ኮርፖሬት
https://play.google.com/store/apps/details… ኣብ ቴሌፎኖም/ነን ብምፅዓን ቀጥታ ፈነወ ቴሌቪዥን፣ ኤፍኤም 98.1ን ብሄራዊ ራዲዮን ይከታተሉ/ላ። ተንቀሳቐስቲ ምስልታት እውን ይከታተሉ/ላ።