ኣዲስ ኣበባ፣ 19 ሚያዝያ፣ 2015 (ኤፍ ቢ ሲ)ናብ ትግራይ ተቋሪፁ ዝነበረ ትራንስፖርት ምድሪ ዳግም ከምዝተጀመረ ተገሊፁ፡፡
ሚኒስቴር ትራንስፖርት ምስ ቢሮ ትራንስፖርት ክልላት ትግራይ፣ ዓፋርን ኣምሓራን ኣብ ዝሃቦ መግለፂ÷ ድሕሪ ስምምዕነት ሰላም ፕሪቶሪያው ብዝተሰርሐ ስራሕ ናብ ትግራይ ተቋሪፁ ዝነበረ ትራንስፖርት ምድሪ ዳግም ከምዝተጀመረ ተመልኪቱ፡፡
ሚኒስቴር ትራንስፖርት ብመሰረት ዘካየዶ መፅፅናዕቲ፥ ካብ 14 ሚያዝያ 2015ዓ.ም ጀሚሩ ብዝተገበረ ፈተነ ክሳብ ሕዚ ካብ ኣዲስ ኣበባ ትግራይ ከምኡ እውን ካብ ትግራይ ናብ ኣዲስ ኣበባ ብዝተፈላለዩ ኣንፈታት 19 ኣውቶብሳት ከምዝተመላለሳ ተሓቢሩ።
ትራንስፖርት ምድሪ ምጅማሩ ብሕብረተሰብ ልዑል ሓጎስ ከምዝፈጠረን እቲ ጉዕዞ ትራንስፖርት ንኽዕወት እወንታዊ ኣስተዋፅኦ ምግባሮምን ተገሊፁ።
ብፍላይ ኣብ ሓደ ሓደ ከባቢታት ዝነበሩ ዘይሕጋዊ ኬላታት÷ ኣብ ምውጋድን ቁፅፅር ኣብ ምጥባቕ ሰብ መዚ እቲ ከባቢን ኣመራርሓታትን ሓላፍነቶም ንኽዋፅኡ ተሓቲቱ።
ቁፅፅር ድሕንነት ብምግባር ሓፈሻዊ እቲ መስመር ትራንስፖርት ፖሊስ ፌዴራል ከምዝቆፃፀሮ ተገሊፁ።
ብኣለምሰገድ ኣሳዬን ሰለሞን ይታየውን
እዋናዊ ሓበሬታ ንምርካብ፦
ቴሌግራም ገፅና https://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna https://www.youtube