ኣዲስ ኣበባ፣ 1 ሕምለ፣ 2014 (ኤፍ ቢ ሲ)ነበር ቀዳማይ ሚኒስትር ጃፓን ሺንዞ ኣቤ ብጥይት ተወቒዖም ሆስፒታል ኣቲዮም።
ኣቤ፥ ናራ ኣብ ዝተብሃለት ከተማ ናይ ሓደ ሕፁይ ጎስጓስ መደረ እናገበሩ እናሃለዉ ኢዮም ብድሕሪቶም ብጥይት ተወቒዖም።
መሰኻኽር ዓይኒ፥ ሺንዞ ኣቤ ብድሕሪቶም ምስተወቕዑ ሽዒ ንሽዑ ከምዝወደቑን ደም ይፈሶም ከምዝነበረን ተዛሪቦም።
ብቕልጡፍ ናብ ሆስፒታል ዝተወሰዱ እንትኾኑ፥ ኣብዚ ሕዚ እዋን ጥብቂ ክትትል ሕክምና እናተገበረሎም ከምዝኾነ ተሓቢሩ።
እቲ መጥቃዕቲ ብምፍፃም ዝተጠርጠረ ውልቀሰብ እውን ምስ መሳርሒኡ ኣብ ትሕቲ ቁፅፅር ፖሊስ ውዒሉ።
ወዲ 67 ዓመት ሺንዞ ኣቤ ጃፓን ንብዙሓት ዓማውቲ ብቀዳማይ ሚኒስትርነት ዝመርሑ እንትኾኑ፥ ምስ ስእነት ጥዕና ተተሓሒዙ ከም ኣቆፃፅራ ኣውሮፓውያን ኣብ 2020 ኢዮም ስልጣኖም ብፍቓዶም ለቒቖም።
ፍልፍል፦ ቢቢሲ
እዋናዊ ሓበሬታ ንምርካብ፦
ቴሌግራም https://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna https://www.youtube.com