ትካል ገባሪ ሰናይ ኣይስ ንኣርባዕተ ኣብያተ ትምህርቲ ሓገዝ ናውቲ ትምህርቲ ገይሩ

ኣዲስ ኣበባ፣ 16 ታሕሳስ፣ 2017 (ኤፍ ኤም ሲ)ትካል ገባሪ ሰናይ ኣይስ (EYES) ብልዕሊ ፍርቂ ሚሊዮን ብር ኣብ ሰለስተ ወረዳታት ክልል ትግራይ ንዘርከባ ኣቢያተ ትምህርቲ ሓገዝ ናውቲ ትምህርቲ ገይሩ።

ኣካያዲ ስራሕ ትካል ገባሪ ሰናይ ኣይስ ኣይተ ብስራት መስፍን÷ እቲ ሓገዝ ናውቲ ትምህርቲ ተምሃሮ ናብ መኣዲ ትምህርቲ ክምለሱን ዘድልዮም ናውቲ ትምህርቲ ንምምላእን ካብ ዝተፈላለዩ ትካላትን ውልቀ ሰባትን ዝተረኸበ ከምዝኾነ ገሊፆም።

ኣብ ወረዳ እንደርታ፣ ሕንጣሎን ሓውዜንን ንዝርከባ ኣርባዕተ ሙሉእ ቀዳማይ ብርኪ ኣብያተ ትምህርቲ ከምዝተበርከተ እውን ተገሊፁ።

ኣብ ወረዳ እንደርታ ሙሉእ ቀዳማይ ብርኪ ቤት ትምህርቲ ዳንሳ ኣብ ዝተገብረ ስነ-ስርዓት ርኽክብ÷ ንልዕሊ ሓደ ሽሕ ተምሃሮ ንሓደ ዓመት ዘገልግል ደፍተር፣ እስክርቢቶ፣ እርሳስን ቦርሳን ነተን ኣብያተ ትምህርቲ ድማ ኮምፒውተርን ፕሪንተርን ሓገዝ ተገይሩ።

ሓገዝ ዝተገበረሎም ተምሃሮ ብግደኦም÷ ንዝተገበረሎም ሓገዝ ብምምስጋን፤ “ብምኽንያት ሕፅረት ናውቲ ትምህርቲ ካብ መኣዲ ትምህርቲ ከይንተርፍ ዝገብር እዩ” ኢሎም።