ኣዲስ ኣበባ፣ 10 ሓምለ፣ 2013(ኤፍ ቢ ሲ)ፕሬዚዳንት ላዕለዋይ ቤት ምኽሪ ጉዳያት እስልምና ኢትዮጵያ ተቐዳሚ ሙፍቲ ሓጂ ኡመር እድሪስ ንበዓል ዒድ ዓረፋ ናይ እንኳዕ ኣብፀሐኩም መልእኽቲ ኣመሓላሊፎም።
እቲ በዓል ኣብ ማሕበረሰብ ሙስሊም ዓብዪ በዓል ከምዝኾነ ብምግላፅ፥ እቲ በዓል እንትኽበር ንዝተፀገሙ ብምሕጋዝ፣ ዱኣ ብምግባን ብሓድነትን ክኸውን ይግባእ ኢሎም።
እቲ በዓል ኣብ ዝቕፅል ዕለተ ሰሉስ ዝኽበር እንትኸውን፥ ማሕበረሰብ ሙስሊም ስርዓት እቲ እምነት ብምኽታል ንከኽብሮ ፃውዒት ገይሮም።
ተቐዳሚ ሙፍቲ ሓጂ ኡመር እድሪስ፥ መበል ሻድሻይ ሃገራዊ ምርጫ ብሰላም ምዝዛሙ ከምዘሐጎሶም እውን ተዛሪቦም።
ሰላም መሰረት ሃገር ምዃኑ ፈሊጥና ሰላምና ምሕላው ይግባእ ዝበሉ እቶም ፕሬዚዳንት፥ ሰላም ሃገር ኣብ ምሕላው ዝምልከቶም ኣካላት ግብኦም ንክዋፅኡ ብስም ማሕበረሰብ ሙስሊም ፃውዒት ኣቕሪቦም።
ብሽቦ ኂርጶ
ስእሊ – ኣሚኮ
እዋናዊ ሓበሬታ ንምርካብ፦
ቴሌግራም ገፅና https://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna
https://www.youtube.com/…/%E1%88%B0%E1%89%A5%E1%88%B5… ይግበሩ/ራ!
ሓዱሽ መተግበሪ ፋና ብሮድካስቲንግ ኮርፖሬት
https://play.google.com/store/apps/details… ኣብ ቴሌፎኖም/ነን ብምፅዓን ቀጥታ ፈነወ ቴሌቪዥን፣ ኤፍኤም 98.1ን ብሄራዊ ራዲዮን ይከታተሉ/ላ። ተንቀሳቐስቲ ምስልታት እውን ይከታተሉ/ላ።