ኣዲስ ኣበባ፣ ሓምለ፣ 2015 (ኤፍ ቢ ሲ)ተመለስቲ ሰላም ዝረኸቡዎ ሓገዝ ተጠቒሞም ንባዕሎምን ሃገሮምን ብስራሕ ንምልዋይ ክተግሁ ከምዝግባእ ርእሰ ምምሕዳር ክልል ቤኒንሻንጉል ጉሙዝ ኣይተ ኣሻድሊ ሃሰን ኣገንዚቦም።
ኣብቲ ክልል ናብ ሰላማዊ ህይወት ዝተመለሱ ልዕሊ 680 ዕጡቓት ዴሞክራሲያዊ ምንቅስቓስ ህዝቢታት ጉሙዝ (ጉህዴን) ዝተሰናደአሎም ስልጠና ተሃድሶ ዛዚሞም ሎሚ ተመሪቖም።
እቶም ተመለስቲ ኣብ ልምዓት መዓድን ንምውፋር ዘኽእሎም ልዕሊ 45 ሚሊየን ብር ዝግመቱ መሳርሒታት ተበርኪቱሎም።
ኣይተ ኣሻድሊ ሃሰን ኣብቲ እዋን ከምዝበሉዎ÷ መንግስቲ እቲ ክልል ንሰላምን ልምዓትን ፍሉይ ጠመተ ሂቡ ይሰርሕ ኣሎ።
ኣብ ዝሓለፉ ዓማውቲ ብዘጋጠመ ፀገም ፀጥታ ልዑል ጉድኣት ከምዝበፅሐ ዝሓበሩ እቶም ርእሰ ምምሕዳር÷ እቶም መናእሰይ መንግስቲ ዝገበረሎም ፃውዒት ሰላም ተቐቢሎም ዕጥቃዊ ቃልሲ ብምቁራፅ ናብ ሰላም ምምላሶም ንኢዶም።
“መናእሰይ ኣብቲ ክልል ዘሎ ሰፊሕ ወርቂን ንሕርሻ ዝውዕል ልሙዕ መሬትን ብግቡእ ብምልማዕ ንባዕሎምን ሃገሮምን ካብ ድኽነት ከላቕቑ ይግባእ ክብሉ” ምግላፆም ግዜኢ ፀብፂቡ።
እዋናዊ ሓበሬታ ንምርካብ፦
ቴሌግራም ገፅናhttps://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna https://www.youtube.com/…
ሓዱሽ መተግበሪ ፋና ብሮድካስቲንግ ኮርፖሬት https://play.google.com