ብጥብቂ እናተደለዩ ዝነበሩ ኣባላት ጉጅለ ሽበራዊ ህወሓት ኣብ ጂቡቲ ኣብ ትሕቲ ቁፅፅር ውዒሎም ናብ ኣዲስ ኣበባ ኣትዮም

ኣዲስ ኣበባ ፣ 24 ጉንበት፣ 2013 (ኤፍ.ቢ.ሲ)እታ ሃገር ማእኸል ግብረራዕዲ ንምግባር እናተንቀሳቐሱን ብጥብቂ እናተደለዩን ዝነበሩ  ኣባላት ጉጅለ ሽበራዊ ህወሓት ብመንግስቲ ጂቡቲ ኣብ ትሕቲ ቁፅፅር ውዒሎም ትማሊ ምሸት ናብ ኣዲስ ኣበባ ምእታዎም ኮሚሽን ፖሊስ ፌዴራል ኣፍሊጡ።

ኣብ ክልል ትግራይ ኣብ ልዕሊ እዚ ሰሜንን ኣባላት ፖሊስ ፌዴራልን ሃንደበታዊ መጥቃዕቲ ኣብፂሖም ናብ ጎረቤት ሃገር ካብ ሞንጎ ዝሃደሙ ኣባላት እቲ ጉጅለ 1ይ ሃብቶም ገብረስላሴ ወልዩ፣ 2ይ መሰለ ታመነ እሼቱነን 3ይ ኮነሬል መሓመድ በሪሁ ኑርን ዝተብሃሉ ተጠርጠርቲ ገበን ብመንግስቲ ጂቡቲ ኣብ ትሕቲ ቁፅፅር ውዒሎም ትማሊ ምሸት ናብ ኢትዮጵያ ከምዝኣተዉ ኢዩ እቲ ኮሚሽን ብፍሉይ ንኢቢሲ ዝገለፀ።

ኣብ ትሕቲ ቁፅፅር ዝወዓሉ ኣባላት እቲ ጉጅለ፥ ብሕጊ ተሓተትቲ ንምግባር ምርመራ ቢሮ ኮሚሽን ፖሊስ ፌዴራል ነቶም ተጠርጠርቲ ተረኪቡ ሕጋዊ ምፅራይ ከምዝገብር ገሊፁ።

ኮሚሽን ፖሊስ ፌዴራል ፌዴሪኢ ምስ ሰራዊት ምክልኻል ሃገርን ካልኦት ሓይሊታት ፀፅታን ድሕንነትን ብምውዳድ፥ ኣብ ዝተፈላለዩ እዋናት ብገበን ክሕደት ሃገር ተጠርጢሮም ትእዛዝ ማእሰርቲ ዝወፅአሎም ኣመራርሓታት ህወሓትን መኮንናትን ካብ ዝተሓብኡሉ ቦታ ብምህዳን ናብ ሕጊ እናቕረበ ምፅንሑ ይፍለጥ ክብል ኢቢሲ ፀብፂቡ።

እዋናዊን ሓዱሽን ሓበሬታ ንምርካብ

ቴሌግራም ገፅና https://t.me/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna

https://www.youtube.com/…/%E1%88%B0%E1%89%A5%E1%88%B5…

ይግበሩ/ራ!