ኣዲስ ኣበባ፣ 13 ሚያዝያ፣ 2014 (ኤፍ ቢ ሲ)ብግብረ ራዕዲ ህወሓት ጉድኣት ካብ ዝበፅሖም 42 ሆስፒታላት እቶም 36 ናብ ስራሕ ከምዝተመለሱ ሚኒስቴር ጥዕና ገሊፁ።
ሚኒስትር ዴኤታ ዶክተር ኣየለ ተሾመ ኣብ ዝሃብዎ መግለፂ፥ ብዝተገበረ ዳህሳሳዊ መፅናዕቲ መሰረት ኣብ ከልል ኣምሓራ 40 ሆስፒታላት፣ 452 ጣቢያታት ጥዕና፣ 1728 ኬላታት ጥዕና፣ ኣብ ክልል ዓፋር 2 ሆስፒታል፣ 24 ጣቢያታት ጥዕናን 52 ኬላታት ጥዕና ጉድኣት ከመዝበፅሐን ተዛሪቦም።
ብተወሳኺ ብምኽኒያት ጎንፂ፥ ኣብ ክልል ኦሮሚያ 6 ሆስፒታላት፣ 21 ጣቢያታት ጥዕና፣ 978 ኬላታት ጥዕና ኣብ ክልል ቤኒሻንጉልጉምዝ 15 ጣቢያታት ጥዕና፣ 348 ኬላታት ጥዕና ኣገልግሎት ዝተኣጓጎለሎም ትካላት ጥዕና ከምዝኾኑ ተዛሪቦም።
ብግብረ ራዕዲ ህወሓት ጉድኣት ካብ ዝበፅሖም 42 ሆስፒታላት እቶም 36 ፅገና በምግባርን ዘድሊ ናርውቲታት ሕክምና ብምምላእን ናብ ስራሕ ከምዝተመለሱ ተገሊፁ።
እቶም ሽዱሽተ ድማ ጎንፂ ኣብ ዘለዎ ከባቢ ብምዃኖም ናብ ዝነበርዎ ምምላስ ከምዘይተኽኣለ ተዛሪቦም።
ብተመሳሳሊ ኣብ ክልል ኣምሓራ 414 ፣ ዓፋር 20 ፣ ኦሮሚያ 33 ጉድኣት ዝበፅሖም ጣቢያታት ጥዕና ሃንደበታዊን መሰረታዊን ኣገልግሎት ጥዕና ይህቡ ከምዘለዉ ገሊፆም።
ኣብ እዋን እቲ ኲናት 124 ኣምቡላንስን ዝተዘረፉ እንትኾኑ፥ ጉድኣት ዘጋጠሞም ናይ ምፅጋን ን ካልኦት 13 ሓደሽቲ ኣምቡላንሳት ናይ ምልኣኽን ስራሕ ይስራሕ ከምዘሎ ሓቢሮም።
ብመላኩ ገድፍ
ንኢትዮጵያ፦ ነልምዕ፣ ንህነፅ፣ ንዳሎ!
እዋናዊ ሓበሬታ ንምርካብ፦
ቴሌግራም ገፅናhttps://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna
https://www.youtube.com/…/%E1%88%B0%E1%89%A5%E1%88%B5… ይግበሩ/ራ!
ሓዱሽ መተግበሪ ፋና ብሮድካስቲንግ ኮርፖሬት
https://play.google.com/store/apps/details… ኣብ ቴሌፎኖም/ነን ብምፅዓን ቀጥታ ፈነወ ቴሌቪዥን፣ ኤፍኤም 98.1ን ብሄራዊ ራዲዮን ይከታተሉ/ላ። ተንቀሳቐስቲ ምስልታት እውን ይከታተሉ/ላ።