ብዘይሕጋዊ መገዲ ናብ ሃገር ክኣትዉ ዝነበሩ ኣቕሑት ኮንትሮባንድ ተታሒዞም

ኣዲስ ኣበባ ፣ 4 መስከረም፣ 2014 (ኤፍ ቢ ሲ)ኣብ ዞባ ምብራቕ ሃረርጌ ከተማ ባቢሌ ልዕሊ 2 ነጥቢ 3 ሚሊየን ብር ግምታዊ ዋጋ ዘለዎም ኣቕሑት ኮንትሮባንድ ከምዝተታሓዙ ፖሊስ ኣፍሊጡ።

ዋና ሓላፊ ሚዲያ ኮሙዩኒኬሽን ፖሊስ ኮሚሽን እቲ ዞባ ኢንስፔክተር ቶሎሳ ጎሹ ንፋና ብሮድካስቲንግ ኮርፖሬት ከምዝገለፁዎ፥ እቶም ኣቑሑት ኮንትሮባንድ ኣብ ፅዕነት ተሸከርካሪ ተፃዒኑ ከኣቱ ክብል መእተዊ ካብ ሕብረተሰብ ብዝበፅሐ ሓበሬታ ክተሓዝ ተኻኢሉ ኢዩ፡፡

እቶም ኣቑሑት 2 ሚሊየን 300 ሺሕን 150 ብር ግምታዊ ዋጋ ከምዘለዎም ተገሊፁ፡፡

ብዘይሕጋዊ መገዲ ናብ ሃገር ክኣትዉ ዝነበሩ ኣቑሑት፥ ናይ በዓል ሰለስተ እግሪ ተሸከርከርቲ ዝተፈላለዩ ጓማታትን መለዋወጥቲን፣ ናይ ተሸከርከርቲ ሞተራት ዘይቲ፣ ክዳውንቲ፣ ጫማታት፣ ሽቶታት፣ ሞባይል ስልኪታት ህፃውንቲን በፃሓትን ከምኡ እውን ኣቑሑት ኤሌክትሮኒክስ ኢዮም፡፡

ዋና ኢንስፔክተር ቶሎሳ ጎሹ፥ እቶም ኣቑሑት ብዘይሕጋዊ መገዲ እናጓዓዓዙ ዝነበሩ ኣሽከርካሪ ንግዚኡ ከምዝምለጠን ክትትል ፖሊስ እናተገበረሉ ከምዝኾነን ገሊፆም፡፡

ብተሾመ ሃይሉ

እዋናዊ ሓበሬታ ንምርካብ፦

ቴሌግራም ገፅና https://t.e/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna

https://www.youtube.com/c/fanabroadcastingcorporate/ሰብስክራይብ ይግበሩ/ራ!

ሓዱሽ መተግበሪ ፋና ብሮድካስቲንግ ኮርፖሬት

https://play.google.com/store/apps/details… ኣብ ቴሌፎኖም/ነን ብምፅዓን ቀጥታ ፈነወ ቴሌቪዥን፣ ኤፍኤም 98.1ን ብሄራዊ ራዲዮን ይከታተሉ/ላ። ተንቀሳቐስቲ ምስልታት እውን ይከታተሉ/ላ።