ኣዲስ ኣበባ፣ 30 ሰነ፣ 2015 (ኤፍ ቢ ሲ)ብሰንኪ ኲናት ጉድኣት ኣጋጢሙዎም ዝነበሩ ድልድላት ፅገና ተገይሩሎም ኣገልግሎት ምሃብ ከምዝጀመሩ ምምሕዳር መገዲታት ኢትዮጵያ ገሊፁ።
ፅገና ዝተገበረሎም ድልድላት ካብ መቐለ ናብ ሓውዜን፣ ካብ ኣላማጣ ናብ መኾኒ ከምኡ እውን ካብ ሰቆጣ ናብ ፃታን ማይጨውን ኣብ ዝወስዱ መገዲታት ዝርከቡ ድልድላት ከምዝኾኑ ተገሊፁ።
ብሓፂን ተሰሪሖም ኣገልግሎት ምሃብ ካብ ሞንጎ ዝጀመሩ ድልድላት እቶም ክልተ 36 ነጥቢ 6 ሜትሮ ንውሓት ዘለዎም እንትኾኑ÷ ካብ ሰቆጣ ናብ ፃታን ማይጨውን ኣብ ዝወስድ መገዲ ዝተፀገነ ድልድል ድማ 48 ሜትሮ ንውሓት ከምዘለዎ ተሓቢሩ።
ቅድሚ ሕዚ ኣብ ክልላት ትግራይ፣ ዓፋርን ኣምሓራን ሽዱሽተ ድልድላት ፅገና ተገይሩሎም ኣገልግሎት ምሃብ ከምዝጀመሩ ካብ ምምሕዳር መገዲታት ኢትዮጵያ ዝረኸብናዮ ሓበሬታ የረድእ።
እዋናዊ ሓበሬታ ንምርካብ፦
ቴሌግራም ገፅናhttps://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna https://www.youtube.com/…
ሓዱሽ መተግበሪ ፋና ብሮድካስቲንግ ኮርፖሬት https://play.google.com