ኣዲስ ኣበባ፣ 20 መስከረም፣ 2016 (ኤፍ ቢ ሲ)ብሪታንያ ወታደራታ ንዩክሬን ንምልኣኽ ድሌት ከምዘለዋ ሚኒስቴር እታ ሃገር ኣፍሊጡ።
ሚኒስትር ምክልኻል ብሪታንያ ግራንት ሻፕስ ኣብ ዩክሬን ዕላዊ ዑደት ስራሕ ከምዝገበሩ ኣርቲ ፀብፂቡ፡፡
እቶም ሚኒስትር ኣብ ዩክሬን ኣብ ዝነበሮም ፃንሒት÷ ምስ ፕሬዚዳንት ዩክሬን ቮሎድሚር ዜለንስኪ ኣብ ዝተፈላለዩ ዛዕባታት ከምዝተዛተዩ ተገሊፁ፡፡
ኣብ ዘተኦም ድማ ንወታደራት ዩክሬን መርሃ ግብሪ ስልጠና ምስፋሕ ኣብ ዝከኣለሉ ኩነታት ኣልዒሎም፡፡
ብፍላይ ሓይሊ ባሕሪ ብሪታንያ ፀሊም ባሕሪ ኣብ ምክልኃል ንዩክሬን ምሕጋዝ ኣብ ዝኽእሉሉ ጉዳይ ብዕቱብ ከምዝዘተዩ ተገሊፁ፡፡
ግራንት ሻፕስ ኣብ ዩክሬን ዝነበሮም ዑደት÷ ክልቲአን ሃገራት ብሓባር ዝሰርሓሉ ሰፋሕቲ ዕድላት ከምዘለዉ ምግንዛቦም ተዛሪቦም፡፡
እቶም ሚኒስትር ብሪታንያ ንዩክሬን ንምሕጋዝ ወታደራታ ናብታ ሃገር ናይ ምልኣኽ ድሌት ከምዘለዋ ምግላፆም ተሓቢሩ፡፡
እዋናዊ ሓበሬታ ንምርካብ፦
ቴሌግራም ገፅናhttps://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna https://www.youtube.com/…
ሓዱሽ መተግበሪ ፋና ብሮድካስቲንግ ኮርፖሬት https://play.google.com