ኣዲስ ኣበባ፣ 17 ለካቲት፣ 2016 (ኤፍ ቢ ሲ)ኣብ ዞባ ምብራቕ ጉራጌ ወረዳ መስቃን ብዘጋጠመ ሓደጋ ትራፊክ ህይወት 5 ሰባት ከምዝሓለፈ ኮሚሽን ፖሊስ ክልል ማእኸላይ ኢትዮጵያ ኣፉሊጡ።
እቲ ሓደጋ ሎሚ ድሕሪ ቀትሪ ከባቢ ሰዓት 10 ከምዘጋጠመ ሓላፊ ክፍሊ ሚዲያ ኮሚሽን ፖሊስ እቲ ክልል ምክትል ኮማንደር ታጁ ነጋሽ ንፋና ብሮድካስቲንግ ኮርፖሬት ኣረጋጊፆም፡፡
ካብ ኣዲስ ኣበባ ናብ ቡታጅራ እናተጓዓዘት ዝነበረት ናይ ደረቕ ፅዕነት ተሽከርካሪት 7 ሰባት ምስ ዝፀዓነት “ባጃጅ” ብምግጫዋ ዘጋጠመ ሓደጋ ከምዝኾነ ገሊፆም፡፡
እቶም ሓሙሽተ ተጓዓዝቲ ሽዑ ንሽዑ ህይቶም ከምዝሓለፈን ኣብ ልዕሊ እቶም ክልተ ተጓዓዝቲ ድማ ከቢድ ጉድኣት ከምዝበፅሐን ኣብሪሆም፡፡
ብዮሃንስ ደርበው
እዋናዊ ሓበሬታ ንምርካብ፦
ቴሌግራም ገፅናhttps://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna https://www.youtube.com/…
ሓዱሽ መተግበሪ ፋና ብሮድካስቲንግ ኮርፖሬት https://play.google.com