ብሄራዊ ክልላዊ መንግስቲ ኣምሓራ ኣብ ክልል ዓፋር ኣብ ህፃናትን ደቂ ኣኒስቲዮን ብኣሸባሪ ጉጅለ ህወሓት ብዝተፈፀመ ዘሰቅቕ ጨፍጫፍ ዝተሰመዖ ሓዘን ገሊፁ

ኣዲስ ኣበባ፣  5 ነሓሰ፣ 2013 (ኤፍ ቢ ሲ)ብሄራዊ ክልላዊ መንግስቲ ኣምሓራ ኣብ ክልል ዓፋር ኣብ ፈንቲ ረሱ ጊዚያዊ መፅለሊ ጋሊኮማ  ኣብ ዝነበሩ ህፃናትን ደቂ ኣኒስቲዮን ብኣሸባሪ ጉጅለ ህወሓት ብዝተፈፀመ ዘሰቅቕ ጨፍጫፍ ዝተሰመዖ ሓዘን ገሊፁ።

ኣብ ልዕሊ ዶብ ኢትዮጵያ ኣኽባሪ ዝኾነ ህዝቢ ዓፋር ብኣሸባሪ ህወሓት ዝተፈፀመ ወረራን ጨፍጫፍን በቲ ሓደጋ ልክዕ ምላሽ እንተዘይተዋሂቡዎ ኣብ ልዕሊ ካልኦት ኢትዮጵያውያን ከምዝበፅሕ ተፈሊጡ እቲ ኣሸባሪ ጉጅለ ብናይ ሓባር ቅልፅም ናብ መቓበር ንምውራድ ኩሉ ነክለዓል ፃውዒት ኣቕሪቡ።

ኣሸባሪን ወራሪን ትህነግ ኣብ ክልል ዓፋር ኣብ ፈንቲ ረሱ ጊዚያዊ መፅለሊ ጋሊኮማ  ኣብ ዝነበሩ ህፃናትን ደቂ ኣኒስቲዮን ዝፈፀሞ ዘሰቅቕ ጨፍጫፍ ስዒቡ ብሄራዊ ክልላዊ መንግስቲ ዓፋር ካብ ሎሚ 05 ነሓሰ 2013 ዓ.ም ጀሚሩ ንሰለስተ ተኸታተልቲ መዓልታት ኣብቲ ክልል መዓልታት ሓዘን ንክኸውን ኣዊጁ።

ብተወሳኺ ኣብ መኽዘን ተኸዚኑ ዝነበረ ሓገዝ እኽሊ ሙሉእ ብሙሉእ ዓኒዩ ኢዩ። እዚ ታሪኽ ዘይርስዖ ኣረመኒያዊ ጨፍጫፍ ህዝቢ ዓፋር ጥራሕ ዘይኮነስ መንግስቲን ኣምሓራ ዘቖጠዐን ቃልሲ ህልውና ኣጠናኺርና ካብ ምቕፃል ወፃእ ኣማራፂ ከምዘይብልና ዘገድድ ኢዩ ኢሉ።

ስለዝኾነ መንግስቲን ህዝብን ኣምሓራ ኣብ ፈንቲ ረሱ ጊዚያዊ መፅለሊ ጋሊኮማ  ኣብ ዝነበሩ ህፃናትን ደቂ ኣኒስቲዮን ብኣሸባሪ ጉጅለ ህወሓት ብዝተፈፀመ ዘሰቅቕ ጨፍጫፍ ዝተሰመዖ ሓዘን ገሊፁ።

እዋናዊ ሓበሬታ ንምርካብ፦

ቴሌግራም ገፅናhttps://t.e/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna

https://www.youtube.com/…/%E1%88%B0%E1%89%A5%E1%88%B5… ይግበሩ/ራ!

ሓዱሽ መተግበሪ ፋና ብሮድካስቲንግ ኮርፖሬት

https://play.google.com/store/apps/details… ኣብ ቴሌፎኖም/ነን ብምፅዓን ቀጥታ ፈነወ ቴሌቪዥን፣ ኤፍኤም 98.1ን ብሄራዊ ራዲዮን ይከታተሉ/ላ። ተንቀሳቐስቲ ምስልታት እውን ይከታተሉ/ላ።