ኣዲስ ኣበባ፣ 13 ጥቅምቲ፣ 2015 (ኤፍ ቢ ሲ)ቤት ፅሕፈት ቀዳማዊት እመቤት ኣብ ዘፈር ትምህርቲን ምርግጋፅ ውሕስና ምግቢን ዝገበሮ ኣስተዋፅኦ ዝነኣድ ከምዝኾነ ቀዳማይ ሚኒስትር ኣቢይ ኣሕመድ ገሊፆም።
እቶም ቀዳማይ ሚኒትር ኣብ ማሕበራዊ ምትእስሳር ገፆም ኣብ ዘመሓላለፉዎ መልእኽቲ÷ ቤት ፅሕፈት ቀዳማዊት እመቤት ኣብ ከተማ ኣጋሮ ዝሓነፆ ፋብሪካ ሕሩጭን ባኒን ሎሚ መዓልቲ መሪቖም፡፡
እቲ ቤት ፅሕፈት÷ ኣብ ዘፈር ትምህርቲን ምርግጋፅ ውሕስና ምግቢን ዝሳለጡ ስራሕቲ ዝገበሮ ኣስተዋፅኦ ዝነኣድ ከምዝኾነ ኣብሪሆም፡፡
እቲ ፋብሪካ ኣብ መዓልቲ 300ሽሕን ባኒን 42 ቶን ሕሩጭን ናይ ምፍራይ ዓቕሚ ኣለዎ፡፡
ንቲ ፋብሪካ ሃኒፅካ ንምውዳእ 7 ኣዋርሕ ዝወደአ እንትኸውን÷ ስራሕቲ ህንፀቱ ድማ ብግሩፕ ኢንቨስትመንት ሚድሮክን ምሕዝነት ማሽነሪስ ሂቤይ ፒንግልን ተሳሊጡ፡፡
ቤት ፅሕፈት ቀዳማዊት እመቤት ኣብ 11 ከተማታት ተመሳሳሊ ዓቕሚ ዘለዎም ፋብሪካታት ባኒን ሕሩጭን ብምሕዝነት ንምህናፅ ምስ ኢንቨስትመንት ሚድሮክ ድሕሪ ምኽታም ኣብ ከተማ ኣጋሮ ዝተመረቐ ፈላማይ ፋብሪካ እዩ፡፡
ቤት ፅሕፈት ቀዳማዊት እመቤት÷ ቅድመ ሐዚ ኣብ ከተማ ኣዲስ ኣበባ ኣብ መዓቲ 1 ሚሊየን ባኒ ዘፍርይ ፋብሪካ ሃኒፁ ከምዝዛዘመ ይዝከር፡፡
ብኣልኣዛር ታደለ
እዋናዊ ሓበሬታ ንምርካብ፦
ቴሌግራም https://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrgna