ቤት ምኽሪ ፀፅታ ውድብ ሕቡራት መንግስታት ኣብ ግድብ ህዳሰ ኣድሂቡ ዘካይዶ ኣኼባ ዝቃወም ሰልፊ ክካየድ ኢዩ

ኣዲስ ኣበባ ፣ 29 ሰነ፣ 2013 (ኤፍ ቢ ሲ)ኣብ ዝተፈላለዩ ግዝኣታት ኣሜሪካ ዝነብሩ ዳያስፖራ ኢትዮጵያ ቤት ምኽሪ ፀፅታ ውድብ ሕቡራት መንግስታት ኣብ ዓቢዪ ግድብ ህዳሰ ኢትዮጵያ ኣድሂቡ ዘካይዶ ኣኼባ ብምቅዋም ኣብ ኒዮርክ ሰልፊ ከምዘካይዱ ተገሊፁ።

ቤት ምኽሪ ፀፅታ ውድብ ሕቡራት መንግስታት ግብፂ ብዘቕረበቶ ሕቶ መሰረት ብምግባር ኣብ ግድብ ህዳሰ ኣድሂቡ 1 ሓምለ 2013 ዓ.ም ኣኼባ ከካይድ ኢዩ።

ኣብ ኣሜሪካ ዝነብሩ ኢትጵያውያንን ትውልደ ኢትዮጵያውያንን ኣብ ከተማ ኒውዮርክ ዝርከብ ቤት ፅሕፈት ውድብ ሕቡራት መንግስታት ተረኺቦም እቲ ቤት ምኽሪ ንዘካይዶ ኣኼባ ከምዝቃወሙ ኣብ ዋሸንግተን ዲሲ ዝርከብ ግብረ ሓይሊ ሰላምን ሓድነትን መተሓባበሪ ኣይተ ጣሰው መልኣከህይወት ገሊፆም።

እቶም መተሓባበሪ፥ “ግድብ ህዳሰ ጉዳይ ህልውና ኢትዮጵያውያን ኢዩ፤ ነቲ ግድብ ብዝምልከት ሊግ ዓረብን ውድብ ሕቡራት መንግስታትን ዝገብሩዎ ኢድ ኣእታውነት ተቐባልነት የብሉን፤ ነዚ ድማ ክንቃወሞ ኢና ኢሎም።

ብዛዕባ እቲ ግድብ ኣድሂቡ ዝካየድ ሰለስተኣዊ ልዝብ ብኣደራዳራይነት ሕብረት ኣፍሪካ መፍትሒ ክረክብ ከምዝግበኦ እውን ተዛሪቦም።

ተወከልቲ እቶም ሰልፈኛታት ኣብቲ ኣኼባ ንዝሳተፉ ዲፕለማሰኛታትን መልእኽቲ ተቓውሞ ዝሓዘ ደብዳበ ከምዘእትዉን በረርቲ ወረቓቕቲ ከምዝህቡን ምግላፆም ግዜኢ ፀብፂቡ።

እዋናዊ ሓበሬታ ንምርካብ፦

ቴሌግራም ገፅና https://t.e/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna

https://www.youtube.com/…/%E1%88%B0%E1%89%A5%E1%88%B5… ይግበሩ/ራ!

ሓዱሽ መተግበሪ ፋና ብሮድካስቲንግ ኮርፖሬት

https://play.google.com/store/apps/details… ኣብ ቴሌፎኖም/ነን ብምፅዓን ቀጥታ ፈነወ ቴሌቪዥን፣ ኤፍኤም 98.1ን ብሄራዊ ራዲዮን ይከታተሉ/ላ።