ቤት ምኽሪ ሚኒስትራት ረቂቕ ስትራቴጂ ዲጂታል ትራንስፎርሜሽን ኣፅዲቑ

ምስ ኮርቢቲ ዝግበር ስምምዕነት ዕድጊት ሓይሊ፥ መንግስቲ ግቡእ ዝኾነ ቅድመ ምድላው ብምክያድ ነዊሕ ዓመታት ዝሓተቱ ስራሕቲ ምስገበረ ከምዝዛዘመ ቀዳማይ ሚኒስትር ፌዴሪኢ ዶክተር ኣቢይ ኣሕመድ ኣብ ማሕበራዊ ሚዲያ ፌስቡክ ገፆም ፅሒፎም።

ሓይሊ ኤሌክትሪክ ኢትዮጵያን ማሕበር ኢኮኖሚክስ ኢትዮጵያን ብሓደ ወገን፤ ኩባኒያታት ኮርቤቲን ቱሉ ሞዬን ድማ ብኻሊእ ወገን ብምዃን፥ ኣብ ሞንጎ መንግስቲን ዘፈር ውልቀን ዝግበር ጥምረት ብምትግባር ብሓፈሻ 300 ሜጋ ዋት ሓይሊ ሃፋ ከምዘፈልፍሉ ገሊፆም።

እቲ ቤት ምኽሪ ኣብ ረቂቕ ንግዲ ኣድሂቡ እውን ብምዝታይ ኣፅዲቑ ኢዩ።

እቲ ሎሚ ዝፀደቐ ረቂቕ ሕጊ ንግዲ ነባር ሕጊ ንግዲ ካብ ዝፀድቕ ድሕሪ ሓምሳ ዓመት ስለዝኾነ፥ ስርዓት ሕጊ ንምዝማን ኣብ ዝግበር ከይዲ ዓቢዪ ምዕራፍ ከምዝኸውን ተገሊፁ።

እቲ ረቂቕ ሕጊ ዝማዕበለ ሕብረተሰብ ንምህናፅ ዘሎ ድሌት ኣብ ግምት ዘእተወ፣ ተግባር ፈጠራን ስራሕቲ ንግዲን ንክህሉ ዘለዓዕል ኢዩ ተባሂሉ።

ስትራቴጂ ዲጂታል ትራንስፎርሜሽን ኢትዮጵያ፥ መንግስቲ፣ ስራሕቲ ፈጠራን ዲጂታል ግልጋሎትን ብምስፍሕፋሕ ንኹሉ ዘካተተ ምዕባለ ንምምፃእ ዝትግበር ስራሕ ማእኸል ዝገበረ ኢዩ።

ቀበሌታት ምስ ወረዳታት ዘለወን ምትእስሳር ብምጥንኻር፣ ዲጂታል ፍልጠት ንምዕባይ፣ ንዓውዲ ቱሪዝም ሓገዝ ንምግባርን ብሓፈሻ ዘፈር ቴክኖሎጂ ንምድንፋዕን ዝዓለመ ከምዝኾነ ተገሊፁ።

መንግስቲ ስራሕቲ ንግዲ ብዝተቐላጠፈ መገዲ ምስላጥ ንኽኽእሉ ዝሰርሖም ተኸታተልቲ ምምሕያሻት ሓደ ኣካል ምዃኑ እውን ቀዳማይ ሚኒስትር ኣቢይ ገሊፆም።

እዋናዊን ሓዱሽን ሓበሬታ ንምርካብ ናይ ቴሌግራም ገፅና ሰብስክራይብ ይግበሩ/ራ!
https://t.me/tigrignafana