ባይቶ ወከልቲ ህዝቢ ኣብ ክልል ትግራይ ዝተኣወጀ ህፁፅ ጊዜ ኣዋጅ ኣፅዲቑ

ኣዲስ ኣበባ፣ 26 ጥቅምቲ፣ 2013 (ኤፍ.ቢ.ሲ)ባይቶ ወከልቲ ህዝቢ ፌዴሪኢ ሎሚ መዓልቲ ኣብ ዘሳለጦ ስሩዕ ኣኼብኡ ቤት ምኽሪ ሚኒስቴራት ኣብ ክልል ትግራይ ንክእወጅ ዘቕረቦ ረቂቕ ኣዋጅ ህፁፅ ጊዜ ኣፅዲቑ።

ባይቶ ተወከልቲ ህዝቢ ሎሚ መዓልቲ ሻድሻይ ዓመት መበል ሳልሳይ ስሩዕ ኣኼብኡ ኣብ መአከቢ ኣዳራሽ ቤት ፅሕፈት ቀዳማይ ሚኒስቴር ኣሳሊጡ።

እቲ ባይቶ ኣብ ዘካየዶ ስሩዕ ኣኼብኡ፥ ቤት ምኽሪ ሚኒስቴራት ፌዴሪኢ ሕገ መንግስትን ሕገ መንግስታዊ ስርዓትን ካብ ሓደጋ ንምክልኻል ዓሊሙ ኣብ ክልል ትግራይ ንክእወጅ ዘቕረቦ ረቂቕ ኣዋጅ ህፁፅ ጊዜ ኣፅዲቑ።

ቤት ምኽሪ ሚኒስቴራት ኣብ ዘካየዶ መበል 21 ህፁፅ ፍሉይ ኣኼቡኡ፥ መንግስቲ ሰላምን ህልውናን ሃገር፣ ምርግጋፅ ድሕንነት ዜጋታትን ሃገር ናብ ሁከትን ዕግርግርን ዝወስዱ ዝኾኑ ይኹኑ ፍፃመታት ናይ ምክልኻል ሕገ-መንግስታዊ ሓላፍነት ዘለዎ ምዃኑ ብምግንዛብ፣ ኣብ ክልል ትጋራይ ሕገ መንግስቲን ሕገ-መንግስታዊ ስርዓትን ከምኡ እውነ ሰላምን ፀፅታን ህዝቢ ኣብ ሓደጋ ዘውድቑ ብፍላይ ድማ ሉኣላዊነት ሃገር ዝፈታተኑ፣ ንመንግስቲ ፌዴራል ብሕገ-መንግስቲ ዝተውሃቡዎ ሓላፍነታት ኣብቲ ክልል ከይዋፃእን እዛ ሀገር ማእኸል ዓውደ ኺናት ዝግብሩ ውሳነታት ቤት ምኽሪ ፌዴሬሽን እውን ብምጥሓስ ብዙሓት ዘይሕጋዊ ተግባራት እናተፈፀሙ ስለዝኾነ፤ እዚ ብስሩዕ ሕጊ ምኽባር ኣብዘይከኣለሉ ብርኪ ምብፅሑ ብምርዳእ፤ ኣብ ሕገ-መንግስቲ ብዝተደንገገ መሰረት ብምግባር ሕገመንግስታዊ ስርዓት ንምክልኻልን ንምቁፅፃርን ፍሉይ ስጉምቲ ምውሳድ ዘኽእል ኣዋጅ ህፁፅ እዋን ብምድንጋግን ተግባራዊ ብምግባርን ኩነታት ብምቁፅፃር ኣብ ልዕሊ ሰላምን ህልውናን ሃገር ዘንፀላለወ ሓደጋ ምክልኻል ኣድላዪ ኮይኑ ስለዝተረኸበ፤ ብመሰረት ሕገመንግስቲ ፌዴሪኢ ዓንቀፅ 93/1/ሀ እዚ ዝስዕብ ኣዋጅ ህፁፅ እዋን ምእዋጁ ይዝከር።

እቲ ግብሪ ሓይሊ ተፀዋዕነቱ ንቀዳማይ ሚኒስትር እንትኸውን፥ “ግብሪ ሓይሊ ኣዋጅ ህፁፅ እዋን” ተባሂሉ ዝፅዋዕ ኢዩ።

እቲ አዋጅ ኣብ መላእ ብሄራዊ ክልላዊ ምምሕዳር ትግራይ ን6 ኣዋርሕ ተፈፃሚ ዝግበር ኮይኑ፥ እቲ ህፁፅ ግዜ ኣዋጅ ዘፈፅም ብኣካብነት ጠቅላይ ኢታማዦር ሹም ሓይሊታት ጦር ፌዴሪኢ ዝምራሕን ኣግባብ ካብ ዘለዎም ኣካላት ዝተውፃእፅኡ ኣባላት ዘለውዎ ግብረ ሓይሊ ኣብቲ ኣዋጅ ተጣይሾም ኢዮም።

ከከም ኣድላይነቱ ተፈፃሚ ወይ ድማ ተራፊ ዝኾኑሉ ተወሰኽቲ ከባቢታት ድማ እቲ ግብሪ ሓይሊ ብዘውፀኦ መምርሒ ክውሰን ኢዩ።

እቲ ግብረ ሓይሊ ተፀዋዕነቱ ንቀዳማይ ሚኒስተር እንትኸወን፥ “ግብረ ሓይሊ ህፁፅ ግዜ ኣዋጅ” ተባሂሉ ከምዝፅዋዕ ተገሊፁ።

እቲ አዋጅ ኣብ መላእ ብሄራዊ ክልላዊ ምምሕዳር ትግራይ ተፈፃሚ ዝግበር ኮይኑ፥ ከከም ኣድላይነቱ ተፈፃሚ ወይ ድማ ተራፊ ዝኾኑሉ ተወሰኽቲ ከባቢታት ድማ እቲ ግብሪ ሓይሊ ብዘውፀኦ መምርሒ ክውሰን ኢዩ።

እቲ ኣዋጅ ህፁፅ እዋን ዝምልከት ዝርዝር ሓበሬታ በቢእዋኑ ንሕብረተሰብ ከምዝወሃብ እውን ተሓቢሩ።

እዋናዊን ሓዱሽን ሓበሬታ ንምርካብ ናይ ቴሌግራም ገፅና ሰብስክራይብ ይግበሩ/ራ!

https://t.me/tigrignafana