ኣዲስ ኣበባ፣ 7 ለካቲት፣ 2015 (ኤፍ ቢ ሲ)ሚኒስትር ፕላንን ልምዓትን ፍፁም ኣሰፋ ምስ ኣባላት ጉጅለ ልኡኽ ባንኪ ዓለም ተዛቲየን።
ኣብ ዘተኦም ድማ ኣብ ሓበራዊ ጉዳያት ብሓባር ንምስራሕ ዘኽእሉ ተግባራት ብምፍላይ ብሓባር ንምስራሕ ተስማዕሚዖም፡፡
እተን ሚኒትር÷ ባንኪ ዓለም ኣብ ልምዓት ኢትዮጵያ ኣብ ምሕጋዝ ዕዙዝ ግደ ከምዘለዎ ኣልዒለን፡፡
እቲ ምትሕብባርን ሓገዝን ሓበራዊ ስራሕቲ ልምዓት ኣብ ምፍፃም ተጠናኺሩ ንኽቕፅል ሓቲተን።
ዳይሬክተር ባንኪ ዓለም ኣብ ኢትዮጵያ ኡስማን ዲዮን ብግደኦም÷ እቲ ባንኪ ምዕባለ ኢትዮጵያ ንምቅልጣፍ ዝሰርሖም ተግባራት ልምዓት ኣብ ምሕጋዝ እናሰርሖም ዝነበሩ ተግባራት ኣጠናኺሩ ከምዝቕፅል ገሊፆም፡፡
እዋናዊ ሓበሬታ ንምርካብ፦
ቴሌግራም https://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrgna