ባንኪ ንግዲ ኢትዮጵያ ምስ ፋና ብሮድካስቲንግ ኮርፖሬት ዘለዎ መትሕብባር ከምዘጠናኽር ገሊፁ

ኣዲስ ኣበባ፣ 12 ሕዳር፣ 2017 (ኤፍ ቢ ሲ)ባንኪ ንግዲ ኢትዮጵያ ምስ ፋና ብሮድካስቲንግ ኮርፖሬት ዘለዎ መትሕብባር ከምዘጠናኽር ገሊፁ።

እቲ ባንኪ መበል 30 ዓመት በዓል ምስረታ ፋና ብሮድካስቲንግ ኮርፖሬት ምኽኒያት ብምግባር ናይ እንቋዕ ኣብፀሐኩም መልእኽቲ ኣመሓላሊፉ።

ሓለፍቲ ስራሕ እቲ ባንኪ ምስ ዋና ቤት ዕዮ ፋና ብሮድካስቲንግ ኮርፖሬት ብምርኸብ ውህብቶ ዘበርከቱ እንትኾኑ፥ ኣብ ቀፃሊ እውን ኣብ መንጎ ክልቲአን ትካላት ዘሎ ምትሕብባር ኣብ ምጥንኻር ብሓባር ንምስራሕ ዘለዎም ባህጊ ኣረጋጊፆም።

ፋና ብሮድካስቲንግ ኮርፖሬት ንዝሓለፉ 30 ዓመታት ማእኸል ብዙሓን ሓሳብ፣ ትማሊ ኣዘኪሩ፣ ሎሚ ሰሪሑ ንፅባሕ ዝትልም ብምዃን እዋናዊን ሓደሽቲን ሓበሬታታት ተበፃሒ ኣብ ምግባር ግንባር ቀደም ኮይኑ ይሰርሕ ኣሎ።