በዓል ትንፋኤ ብሰላም ምኽባሩ ኮሚሽን ፖሊስ ኣዲስ ኣበባ ኣፍሊጡ

ኣዲስ ኣበባ፣ 25 ሚያዝያ፣ 2013 (ኤፍ ቢ ሲ)በዓል ትንፋኤ ብሰላም ከምዝተኸበረ ኮሚሽን ፖሊስ ኣዲስ ኣበባ ኣፍሊጡ።

እቲ ኮሚሽን፥ ሕብረተሰብ ንዝገበሮ ቅኑዕ ምትሕብባርን ሓላፍነቶም ብብቕዓት ንዘተዋፅኡ ኣካላት ፀፅታን ምስጋና ኣቕሪቡ፡፡

በዓል ትንሳኤ ብሰላም ንኽኽበር ነበርቲ እታ ከተማ ኣብ ጎኒ ኣካላት ፀፅታ ጠጠው ኢሎም ግቡእ ምትሕብባር ምግባሮም ኢዩ እቲ ኮሚሽን ኣፍሊጡ ዘሎ፡፡

ሕብረተሰብ ፀፅታ እታ ከተማ ንምኽባር ኣብ ዝስርሑ ስራሕቲ እናበርከቶ ዝርከብ ኣስተዋፅኦ ኣጠናኺሩ ንኽቕፅል እውን ኮሚሽን ፖሊስ ኣዲስ ኣበባ ፀዊዑ፡፡

ብምኽንያት ሓደጋ ትራፊ ኣብ ድሮን መዓልቲን እቲ በዓል ብዝበፅሑ ሓደጋታት ክልተ ሰባት ህይወቶም ከምዝሓለፈ ዝገለፀ እቲ ኮሚሽን፥ ምስ ተግባር ገበን ተተሓሒዙ ድማ ካብ ወትሩ ዝተፈለየ ተግባር ከምዘየጋጠመን እቲ በዓል ብሰላም ከምዝተኸበርን ገሊፁ፡፡

ኣብ ቀፃሊ ፀፅታን ሰላምን ንምኽባር ኣብ ዝስርሑ ዝተፈላለዩ ተግባራት ሕብረተሰብ ዝገብሮ ዘይተቖጠበ ምትሕብባር ኣጠናኺሩ ንኽቕፅል ፃውዒት ምቕራቡ ካብቲ ኮሚሽን ዝረኸብናዮ ሓበሬታ የረድእ።

እዋናዊን ሓዱሽን ሓበሬታ ንምርካብ

ቴሌግራም ገፅና https://t.me/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna

https://www.youtube.com/c/fanabroadcastingcorporate/ሰብስክራይብ

ይግበሩ/ራ!