በዓል መውሊድ ረቡዕ 16 መስከረም ብድምቀት ከምዝኽበር ተገሊፁ

ኣዲስ ኣበባ፣ 14 መስከረም 14፣ 2016 (ኤፍ ቢ ሲ)መበል 1 ሺሕን 498 በዓል ልደት ነብዩ መሓመድ (መውሊድ ) ረቡዕ 16 መስከረም 2016ዓ.ም ብድምቀት ከምዝኽበር ላዕለዋይ ቤት ምኽሪ ጉዳያት እስልምና ኢትዮጵያ ገሊፁ።

ላዕለዋይ ቤት ምኽሪ ጉዳያት እስልምና ኢትዮጵያ ኣብ ዓብዪ መስጊድ ኣንዋር ዝኽበር በዓል መውሊድ ኣመልኪቱ መግለፂ ሂቡ፡፡

ምክትል ፕሬዚዳንት ላዕለዋይ ቤት ምኽሪ ጉዳያት እስልምና ኢትዮጵያ ሼኽ ኣብዱል ከሪም ሼኽ በድረዲን ኣብቲ መግለፂ ከምዝበሉዎ÷ በዓል መውሊድ እዚ ዓመት ፅባሕ ራብዓይ ዙር ምምላእ ማይ ግድብ ህዳሰ ኢትዮጵያ ብዕዉት መገዲ ዝተኻየደሉ እዋን ዝኽበር ምዃኑ ፍሉይ ይገብሮ።

መውሊድ እንትነኽብር ዝተፀገሙ ብምርዳእ ዝጠመዩ ብምብላዕ ክኸውን ከምዝግባእ እውን መልእኽቶም ኣመሓላሊፎም።

ኢማም ዓብዪ መስጊድ ኣንዋር ሓጂ ጠሃ ሙሓመድ ሃሩን ብግደኦም÷ “መውሊድ እነኽብር መምህርና፣ ኣርኣያናን ንዓለም ፍቕሪ ዘምሀሩን ናይ መወዳእታ ነብይ ነብዩ መሓመድ (ሰ.ዐ.ወ) ስረሖም ንኡማ ንምትሕልላፍን ንምዝካርን ኢዩ” ኢሎም።

ኣብቲ ጋዜጣዊ መግለፂ÷ በዓል መውሊድ ናይ ሰላምን ሓድነትን ንኽኸውን መልእኽቲ ተመሓላሊፉ፡፡

ብፈቲያ ዓብደላ

#Ethiopia

እዋናዊ ሓበሬታ ንምርካብ፦

ቴሌግራም ገፅናhttps://t.e/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna https://www.youtube.com/…

ሓዱሽ መተግበሪ ፋና ብሮድካስቲንግ ኮርፖሬት https://play.google.com