ቀ/ሚ ኣቢይ ንክልተ ኦፕሬተራር ቴሌኮም ፍቓድ ንምሃብ ይስራሕ ብዛዕባ ዘሎ ስራሕቲ ብዝምልከት ምስ ኣባላት ቤት ምኽሪ ኣማኻሪ ተዛቲዮም

ኣዲስ ኣበባ፣ 12 ግንቦት፣ 2013 (ኤፍ ቢ ሲ)ቀዳማይ ሚኒስትር ኣቢይ ኣሕመድ ንክልተ ኦፕሬተራር ቴሌኮም ፍቓድ ንምሃብ ይስራሕ ብዛዕባ ዘሎ ስራሕቲ ብዝምልከት ምስ ኣባላት ቤት ምኽሪ ኣማኻሪ ተዛቲዮም።

እቲ ዘተ ብፅሒት ኢትዮ ቴሌኮም ብኽፋል ናብ ውልቀ ንምዝዋር መስ ዝተጣየሸ ኣባላት ቤት ምኽሪ ኣማኻሪ ኢዩ ዝካየድ ዘሎ።

በዓል መዚ ኮሚኒኬሽን ኢትዮጵያ ከምዝበሎ፥ ሓደሽቲ ኦፕሬተራት ቴሌኮም ንምእታው ኣብ ዝወፅአ ጨረታ ግሎባል ፓርትነርሺፕ ፎር ኢትዮጵያ ዝተብሃለ ጥምረትን ኤም ቲ ኤን ኢንተርናሽናልን እቶም መዐቀኒታት ብምምላእ ኣእቲዮም ኢዮም።

ግሎባል ፓርትነርሺፕ ፎር ኢትዮጵያ ኣብ ውሽጡ ናይ እንግሊዝ ቮዳፎን፣ ናይ ደቡብ ኣፍሪካ ቮዳኮም፣ ናይ ኬንያ ሳፋሪ ኮምን ናይ ጃፓን ሱሚሞቶን ዝሓዘ ኢዩ።

እቲ ጨረታ 18 ሚያዚያ 2013 ዓ.ም ምኽፋቱ ዝዝከር ኢዩ።

ክልቲኦም ኩባኒያታት መዐቀኒታት እቲ ጨረታ ብምምልኦም ኣብዚ ሐዚ እዋን ንውሳነ ናብ መንግስቲ ከምዝቐረቡ እውን ተገሊፁ።

ብኣላዛር ታደለ

እዋናዊ ሓበሬታ ንምርካብ፦

ቴሌግራም ገፅና https://t.e/tigrignafana

ዩቲዩብ ቻናል FBC Tigrigna

ሓዱሽ መተግበሪ ፋና ብሮድካስቲንግ ኮርፖሬት

https://play.google.com/store/apps/details… ኣብ ቴሌፎኖም/ነን ብምፅዓን ቀጥታ ፈነወ ቴሌቪዥን፣ ኤፍኤም 98.1ን ብሄራዊ ራዲዮን ይከታተሉ/ላ። ተንቀሳቐስቲ ምስልታት እውን ይከታተሉ/ላ።