ቀፃሊ ኣንፈት ንኹሉ ብዘሳተፈ መልክዑ ስራሕ ብቃልሲ ምምራሕ ኢዩ – ኣይተ ኣደም ፋራህ

ኣዲስ ኣበባ፣ 11 ሕዳር፣ 2017 (ኤፍ ቢ ሲ)ተሓታትነት ብዘረጋገፀን ንኹሉ ብዘሳተፈን መልክዑ ስራሕ ብቃልሲ ምምራሕ ቀፃሊ ኣንፈት ፓርቲ ብልፅግና ከምዝኾነ ብመዓርግ ምክትል ቀዳማይ ሚኒስትር ሓላፊ ማእኸል መተሓባበሪ ህንፀት ስርዓት ዴሞክራሲን ምክትል ፕሬዚዳንት ፓርቲ ብልፅግናን ኣደም ፋራህ ገሊፆም፡፡

መድረኽ ገምጋም ኣፈፃፅማ ቀዳማይ ርብዒ በጀት ዓመት 2017 ፓርቲ ብልፅግና ተዛዚሙ።

ኣብቲ መድረኽ ኣይተ ኣደም ፋራህ ሓዊሱ ሓለፍቲ ኣቢያተ ፅሕፈት ዋና ቤት ፅሕፈት፣ ሓለፍቲ ቤት ፅሕፈት እቲ ፓርቲ ክልላትን ምምሕዳር ከተማታትን ተረኺቦም።

ኣብ ዝሓለፉ ሰለስተ ኣዋርሕ ከም ፓርቲ ዝተወገኑ ተግባራት ኣፈፃፅመኦም ዝተገምገመ እንትኸውን÷ ቀፃሊ ኣንፈት ትኹረት እውን ተቐሚጡ።

ገምጋም ኣፈፃፅማ ቀዳማይ ርብዒ ዓመት ብዕዉት ኩነታት ከምዝተኻደ እውን ኣይተ ኣደም ተዛሪቦም።

በቢእዋኑ ንባዕሉ ብግቡእ እናምሀረን እናዓበየን ዝኸይድ ፓርቲ ምዃን፣ ትልሚታት መንግስቲ ብብቕዓት ምፍፃምን ስርዓት ክትትልን ድጋፍን ምጥንኻር ልኡኽቶታት ኣቢያተ ፅሕፈት ዋና ቤት ፅሕፈትን ጨንፈር ኣቢያተ ፅሕፈትን እቲ ፓርቲ ከምዝኾኑ ኣገንዚቦም፡፡

እዚ መሰረት ብምግባር ድማ ኣብ ሩብዒ ዓመት በቲ ፓርቲ ዝተሳለጡ ስራሕቲ ዓኒቕ ገምጋም ከምዝተገበረ ምግላፆም ግዜኢ ፀብፂቡ፡፡

“በዚ ድማ ኣብቲ ቀዳማይ ርብዒ ዓመት ከም ገዛኢ ፓርቲ ቃል ብተግባር ንምፍፃም ዘኽእል ውፅኢታዊ ወፍሪ ስራሕቲ ብምውጋን ብትልሚ ዝተትሓዙ ስራሕቲ ምዕዋት ተኻኢሉ” ኢሎም።

ተሓታትነት ብዘረጋገፀን ንኹሉ ብዘሳተፈን መልክዑ ስራሕ ብቃልሲ ምምራሕ ቀፃሊ ኣንፈት እቲ ፓርቲ ከምዝኾነ እውን ኣፍሊጦም፡፡