ቀዳማይ ሚ/ር ኣቢይ ምስ ፕሬዚዳንት ኢሳያስን ፕሬዚዳንት ሞሓመድ ኣብዱላሂን ይዛተዩ ኣለዉ

ቀዳማይ ሚኒስትር ዶክተር ኣቢይ ምስ መራሕቲ ሃገራት ኤርትራን ሶማሊያን ሰለስተኣዊ ዘተ ንምግባር ትማሊ ናብ ኣስመራ ምእታም ይዝከር።

ፕዚዳንት ሶማሊያ ሞሓመድ ኣብዱላሂ ሞሓመድ ድማ ኣብቲ ዘተ ንምደስታፍ ሎሞ መዓልቲ ኢዮም ናብ ኣስመራ ዝኣተዉ።

ኢትዮጵያ፣ ኤርትራን ሶማሊያን፥ ኣብ ወርሒ ጳጉሜን 2010 ዓ.ም ሰለስተኣዊ ምትእስሳረን ንምምዕባል ዘኽእል ሰነድ ስምምዕነት ኣብ ኤርትራ ተፈራሪመን ከምዝነበራ ይዝከር።

እቲ ሰነድ ስምምዕነት ድማ ቀዳማይ ሚኒስትር ኣቢይ ኣሕመድ፣ ፕዚዳንት ኤርትራ ኣይተ ኢሳያስ ኣፈወርቂን ፕዚዳንት ሶማሊያ ሞሓመድ ኣብዱላሂን ኢዮም ፈሪሞምዎ።

ሰለስቲአን ሃገራት ብኢኮኖሚ፣ ማሕበራዊን ፖለቲካዊን ዓውዲታት ብሓባር ንክሰርሓ ዘሕግዝ ስምምዕነት ከምዝኾነ እውን ኣብቲ እዋን ተገሊፁ ኢዩ።