ቀዳማይ ሚኒስትር ፌዴሪኢን ፕሬዚዳንት ፓርቲ ብልፅግናን ኣቢይ ኣሕመድ(ዶ/ር) ዝተረኸብሉ መዛዘሚ መርሃ ግብሪ መበል ሓምሻይ ዓመት  ምስረታ በዓል ፓርቲ ብልፅግና ሎሚ ኣብ ዝኽሪ ዓወት ዓድዋ ተኻይዱ

ኣዲስ ኣበባ፣ 21 ሕዳር፣ 2017 (ኤፍ ቢ ሲ)ቀዳማይ ሚኒስትር ፌዴሪኢን ፕሬዚዳንት ፓርቲ ብልፅግናን ኣቢይ ኣሕመድ(ዶ/ር) ዝተረኸብሉ መዛዘሚ መርሃ ግብሪ መበል ሓምሻይ ዓመት  ምስረታ በዓል ፓርቲ ብልፅግና ሎሚ ኣብ ዝኽሪ ዓወት ዓድዋ ተኻይዱ።

ኣብቲ መርሃ ግብሪ፥ ቀዳማይ ሚኒስትር ፌዴሪኢን ፕሬዚዳንት ፓርቲ ብልፅግናን ኣቢይ ኣሕመድ(ዶ/ር) ሓዊሱ ምክትል ቀዳማይ ሚኒስትርን ምክትል ፕሬዚዳንት ፓርቲ ብልፅግናን ተመስገን ጥሩነህ፣ ብመዓርግ ምክትል ቀዳማይ ሚኒስትር ሓላፊ ማእኸል ምትሕብባር ሀንፀት ስርዓት ዴሞክራሲን ምክትል ፕሬዚዳንት ፓርቲ ብልፅግናን ኣደም ፋራህ፣ ኣፈ ጉባኤ ባይቶ ወከልቲ ህዝቢ ታገሰ ጫፎ፣ ኣፈ ጉባኤ ቤት ምኽሪ ፌዴሬሽን ኣገኘሁ ተሻገር፣ ርእሳነ ምምሕዳር ክልላት፣ ከንቲባ ምምሕዳራት ከተማ ከምኡውን ላዕለዎት ሓለፍቲ ስራሕ መንግስቲን እቲ ፓርቲን ኣብ ዝተረኸብሉ ኢዩ ተኸቢሩ።

እቲ በዓል፥ “ልዕልነት ሓሳብ ንኩለ መዳይ ብልፅግና” በዝብል መሪሕ ሓሳብ ብዝተፈላለዩ ስነ ስርዓታት ክኽበር ምፅንሑ ይዝከር።

ብፓናል ዘተ፡ መንበሪ ኣባይቲ ዓቕሚ ናይ ዘይብሎም ወገናት ብምሕዳስ፣ ልገሳ ደም፣ ማስ ስፖርት፣ ኤግዚብሽን ስእሊ፣ ከተማ በምፅራይን ካልኦት ተግባራትን ክሳብ ሎሚ መዓልቲ እናተኸበረ ፀኒሑ ኢዩ።