ኣዲስ ኣበባ፣ 8 ሚያዚያ፣ 2013 (ኤፍ ቢ ሲ)ቀዳማይ ሚኒስትር ኣቢይ ብፕሬዚዳንት ዚምባብዌ ኤመርሰን ምናንጋግዋ ዘዝተለኣኸን ብኣምባሳደር ክዋሜ ታፒዋ ሙዛዋዚ ዝምራሕን ጉጅለ ልኡኽ ተቐቢሎም ኣዘራሪቦም።
እቶም ልኡኻት፥ ሕሉፍ ታሪኽ 500 ዓመት ትኽክለኛ ኣፍሪካ ንኽምዝገብ ሕብረት ኣፍሪካ ብመሰረት ዘቐመጦ ኣንፈት ዝተሰናደአ “ኣፍሪካ ፋክት ቡክ” ንቀዳማይ ሚኒስትር ኣቢይ ኣበርኪቶምሎም።
ንኣጀንዳ 2063 ኣዚዩ ጠቓሚ ዝኾነ እቲ እኩብ ሓቂታት ዘሓዘ መፅሓፍ፥ ባህሊ፣ ታሪኽን ክብሪታትን ኣፍሪካ ንዓለም ዘፋልጥ ከምዝኾነ ካብ ቤት ፅሕፈት ቀዳማይ ሚኒስትር ዝረኸብናዮ ሓበሬታ የረድእ።
እቲ መፅሓፍ ብምብራካት ድማ ኢትዮጵያ ንናፅነት ኣፍሪካ ዝተፃወተቶ ዘይትካእ ግደን ኣብ ፓን ኣፍሪካዊነት ትገብሮ ቀፃላይ ሓገዝብ ብምንኣድ ኣፍልጦ ሂቦም።
እዋናዊን ሓዱሽን ሓበሬታ ንምርካብ
ቴሌግራም ገፅና https://t.me/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna
https://www.youtube.com/c/fanabroadcastingcorporate/ሰብስክራይብ
ይግበሩ/ራ!