ኣዲስ ኣበባ ፣ 12 ነሓሰ፣ 2015 (ኤፍ ቢ ሲ)ቀዳማይ ሚኒስትር ኣቢይ ኣሕመድ (ዶ/ር) ምስ ፕሬዚዳንት ሕቡራት ኢሚሬታት ዓረብ ሼክ መሓመድ ቢን ዛይድ ኣል ናህያን ተዛቲዮም።
ካብቶም መራሕቲ ብተወሳኺ ጉጅለ ልኡኻቶም ኣብቲ እዋን ዘተ ተረኺቦም።
እቶም መራሕቲ÷ ኣብ ሞንጎ ኢትዮጵያን ሕቡራት ኢሚሬታት ዓረብን ዘሎ ርክብ ካብ እዋን ናብ እዋን እናተጠናኸረ ከምዝመፅአ ምግላፆም ካብ ቤት ፅሕፈት ቀዳማይ ሚኒስትር ዝረኸብናዮ ሓበሬታ የረድእ።
ብፍላይ ንርክብ ክልቲኦም ህዝቢታትን መፃኢ ወለዶኦምን ጥንኩር ድልድላት ብዝበለፀ ንምህናፅ ዘለዎም ቆራፅነት ገሊፆም።
እቲ ክልተኣዊ ዘተ ስዒቡ ክልቲኦም መራሕቲ÷ ኣብ ሞንጎ ክልቲአን ሃገራት ኣብ ዓውዲ ኢንዱስትሪ፣ ሕርሻ፣ ኢንቨስትመንትን ፋይናንስን ሓዊሱ ኣብ ዝተፈላለዩ ዓውዲታት ዝተገበሩ ስነ-ስርዓት ምንባር ክታም 17 ስምምዓት ተረኺቦም።
እዋናዊ ሓበሬታ ንምርካብ፦
ቴሌግራም ገፅናhttps://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna https://www.youtube.com/…
ሓዱሽ መተግበሪ ፋና ብሮድካስቲንግ ኮርፖሬት https://play.google.com