ቀዳማይ ሚኒስትር ኣቢይ ምስ ብህራዊ ኮሚቴ ኢንቨስትመንትን ፈጠራ ዕድል ስራሕን ተዛቲዮም

ኣብ ዝሓለፈ ዓመት ዝተጣየሸን ስርሑ ብኣካብነት ቀዳማይ ሚኒስትር ኣቢይ ዝትግበርን እቲ ኮሚቴ፥ ምክትል ቀዳማይ ሚኒስትር፣ ፕሬዚዳንታት ብሄራዊ ክልላዊ መንግስቲ፣ ከንቲባታት ከተማ ምምሕዳር ኣዲስ ኣበባን ድሬዳዋን ከምኡ እውን ክልተ ተወከልቲ ቤት ፅሕፈት ቀዳማይ ሚኒስትርን ብኣባልነት ዝሓቖፈ ኢዩ።

ኣብ ውሽጢ ሓደ ዓመት 3 ሚሊየን ዕድል ስራሕ ንምፍጣር ተሓሲቡ ዝነበረ እንትኸውን፥ ኮሚሽን ፈጠራ ዕድል ስራሕ ከምዝገለፆ እንተኾይኑ ብብርኪ ሃገር ኣብ 3 ሚሊየንን 387 ሺሕን ሰባት ኣብ ዘፈራት ሕርሻ፣ ኢንዱስትሪን ግልጋሎትን ናይ ሓፂርን ዘላቒን ዕድል ስራሕ ተፈጢሩ ተባሂሉ።

ኣብ ልዕሊ 330 ሺሕ ዕድል ስራሓት ብምኽንያት ለበዳ ኮቪድ-19 ፅዕንቶ ዝዓረፎም ይኹኑ እምበር፥ እቲ ዝበፅሐ ጉድኣት ክንዲቲ ዝተገመተ ዝኣክል ዝኸፍአ ከምዘይኮነ ኣብቲ እዋን ዘተ ተገሊፁ።

ዝተጠናኸረ ተሳትፎ ዘፈር ውልቀ፣ ስፍሓት መንግስታዊ ፕሮጀክታት፣ ንዕቤት ኢንተርፕራይዛት ትኹረት ምሃብ ከምኡ እውን ንዘፈራት ዝግበር ገንዘባዊ ሓገዝ ንምዕዋት እቲ ትልሚ ልዑል ኣስተዋፅኦ ከምዝገበረ ተሓቢሩ።

ትልሚ ፈጠራ ዕድል ስራሕ ቀፃሊ ዓመት ብተመሳሳሊ ን3 ሚሊየን ሰባት ዕድል ስራሕ ምፍጣር ከምዝኾነን ክሳብ ሕዚ ዝተረኸቡ ዕዉታት ተሞክሮ ኣጠናኺርካ ምቕፃል ኢዩ ተባሂሉ።

ቀዳማይ ሚኒስትር ኣቢይ፥ ኢትዮጵያ ናብ ምዕባለ ትገብሮ ጉዕዞ ብሓለፍቲ ኣጋጣሚታት ክቋረፅ ከምዘይግባእ ከምኡ እውን ዝተረኸቡ ዓወታት እናመዝገብካ ብመንገዲ ዓወት ምግስጋስ ከምዘድሊ ኣገንዚቦም።

ንዝቕፅል እዋን ኣብ ዝሃቡሉ እዋን፥ ክልላት ብሙሉእ ዓቕመን ዘፈር ፀፅታ ከጠናኽራ ከምዝግባእን ኩሉ ሕብረተሰብ ሰላም ኣብ ምሕላው ሓለፋነቱ ንኽዋፃእ ኣተሓሳሲቦም።

ክልላት፥ መናእሰይ ሓይሎም ኣብ ሰናይ ተግባር ንምውዓል ዘኽእሎም ጥንኩር ኣተሓሳስባን ቅዋምን ኣድሂቦም ንኽርሑ፣ ስራሕ ወለንታ ካብ ሞንጎ ቅድመ ኩነት ምቑፃር ስራሕ ሓደ ንኽገብሩ፣ ተግባራት ሜላ ኣውቶማቲክ ንኽበረታትዑ፣ ኣብ ሞንጎ ዘፈር መንግስቲን ውልቀን ምትሕብባርን ምንባብን ንኸጠናኽሩ ከምኡ እውን ዘፈር ፋይናንስ ንመናእሰይ፣ ሓረስቶትን ንኡሽተይ ትርፊ ኣብ ዘርክቡ ስራሕቲ ንዝተዋፈሩ ኣካላት ሓገዝ ንመሃብ ኣብ ዝከኣለሉ ጉዳይ ንኽሰርሓ እውን ኣገንዚቦም።

እዋናዊን ሓዱሽን ሓበሬታ ንምርካብ ናይ ቴሌግራም ገፅና ሰብስክራይብ ይግበሩ/ራ!
https://t.me/tigrignafana