ኣዲስ ኣበባ፣ 4 ጥሪ፣ 2017 (ኤፍ ኤም ሲ)ስነ ስርዓት ቀብሪ ውሩይ ፖለቲከኛን በዓል ሞያ ቁጠባዊ ሃፍቲን ኣይተ ቡልቻ ደመቅሳ ኣብ መካነ መቃብር ጴጥሮስ ወጳውሎስ ተፈፂሙ።
ኣስከሬን ኣይተ ቡልቻ ደመቅሳ ኣብ ለገ ጣፎ ካብ ዝርከብ መንበሪ ገዝኦም ናብ ዝኽሪ ዓወት ዓድዋ ላዕለዎት ሓለፍቲ ስራሕ መንግስቲን ዘመድ ኣዝማድን ኣብ ዝተረኸቡሉ ምፍናው ተገይሩሉ ነይሩ።
ኣብ ዝኽሪ ዓወት ዓድዋ ኣብ ዝተኻየደ መርሃ-ግብሪ ምፍናው ኣስከሬን እውን ከንቲባ ከተማ ምምሕዳር ኣዲስ ኣበባ ኣዳነች ኣቤቤ ሓዊሱ ሓለፍቲ ስራሕ መንግስቲን ዘመድ ኣዝማድን ተረኺቦም፡፡
ኣይተ ቡልቻ ደመቅሳ 28 ታሕሳስን 2017 ዓ.ም ኣብ 94 ዓመቶም ካብዛ ዓለም ብሞት ከምዝተፈለዩ ይዝከር፡፡