ኣዲስ ኣበባ፣ 9 ሕዳር፣ 2017 (ኤፍ ቢ ሲ)ስነ-ስርዓት ቀብሪ ነበር ፕሬዚዳንት ሶማሊላንድ ኣሕመድ ሞሃመድ ተፈፂሙ።
ኣብቲ ስነ-ስርዓት ቀብሪ ብመዓርግ ምክትል ቀዳማይ ሚኒስትር ሓላፊ መተሓባበሪ ማእኸል ህንፀት ስርዓት ዴሞክራሲን ምክትል ፕሬዝዳንት ፓርቲ ብልፅግና ኣይ ኣደም ፋራህ ሓዊሱ ላዕለዎት ሓለፍቲ ስራሕ መንግስቲ ኢትዮጵያ ተረኺቦም።
ሕልፈት ነበር ፕሬዚዳንት ሶማሊላንድ ኣሕመድ ሞሃመድ ሞሃመድ ትማሊ ዝተሰምዐ እንትኸውን፥ በዚ ድማ መንግስቲ ኢትዮጵያ ዝተሰመዖ ሓዘን ገሊፁ እዩ፡፡
ርክብ ኢትዮጵያን ሶማሊላንድን ኣብ ምጥንኻር ልዑል ኣስተዋፅኦ ዝገበሩ ኣሕመድ ሞሃመድ ሞሃመድ፥ ፈታዊ ኢትዮጵያ ከምዝነበሩ እውን ተሓቢሩ፡፡