ኣዲስ ኣበባ ፣ 8 ሰነ፣ 2013 (ኤፍ ቢ ሲ)ስትራቴጂክ ትልሚ 5 ዓመት ኣቢያተ ፍርዲ ፌዴራል ዝምልከት ልዝብ ይግበር ኣሎ።
ፕሬዚዳንት ላዕለዋይ ቤት ፍርዲ ፌዴራል መዓዛ ኣሸናፊ ኣብ ዝተረኸባሉ ልዝብ፥ ፕሬዚዳነታት ላዕለዎት ኣቢያተ ፍርዲ ክልላት እውን ተሳተፍቲ ኮይኖም።
ኣካላት ሰብ ሞያ ፍትሒ እናተሳተፉ ኣብ ዝርከቡሉ እቲ መድረኽ፥ ኣብ 5 ዓመት ኣገልግሎት ስርዓት ዳይነት ኣበይ ክበፅሕ ከምዝግበኦ ዘመላኽት ስትራቴጂክ ትልሚ ዘድሃበ ኢዩ።
እቲ መድረኽ ብመደረ ዝኸፈታ ፕሬዚዳንት እቲ ቤት ፍርዲ መዓዛ ኣሸናፊ፥ ካብ 2012 ዓ.ም ጀሚሩ ዝተቐመጡ ሽቶታት፤ ናፅነት ዳይነት፣ ዘይሻራዊነት ምምሕያሽ፣ ፅሬትን ቅልጣፈን ዳይነት ከምኡ እውን ተበፃሕነት ምዕባይ ኢሉ እውን ምምሕዳራዊ ሓገዛት ምጥንኻር ከምዝኾኑ ገሊፀን።
ምህናፅ ናፃ ኣቢያተ ፍርዲ ቀንዲ መግለፂ እቲ ሪፎርም ከምዝኾነ ዝሓበራ ወይዘሮ መዓዛ ኣሸናፊ፥ ሽቶ ሓሙሸተ ዓመት እተን ኣቢያተ ፍርዲ እምነት ህዝቢ ምርካብ ከምዝኾነ ኣብሪሀን።
ከይዲ ዴሞክራሲ ፅቡቕ ፅዕንቶ ኣብ ዝፈጥሩሉ እዋን በፂሕና ዝበላ እተን ፕሬዚዳንት፥ እዚ ንኽዕወት ልዑል ፃዕሪን ብስለት ዝተመልኦን ኣካይዳ ከምዝሓትት ተዛሪበን።
ብሃብታሙ ተክለስላሴ።
እዋናዊ ሓበሬታ ንምርካብ፦
ቴሌግራም ገፅና https://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna
https://www.youtube.com/…/%E1%88%B0%E1%89%A5%E1%88%B5…ይግበሩ/ራ!