ኣዲስ ኣበባ፣ 23 ነሓሰ፣ 2015 (ኤፍ ቢ ሲ)ሲምፖዚየም ስግግር ፍልጠት ቻይና-ኣፍሪካ ኣብ ቤጂንግ ይካየድ ኣሎ።
ኣብ ቤጂንግ እናተኻየደ ኣብ ዝርከብ ሲምፖዚየም÷ ሚኒስትር ዴኤታ ንግዲን ዞባዊ ምትእስሳርን ኣይተ ካሳሁን ጎፌ ንኢትዮጵያ ብምውካል ተረኺቦም መደረ ኣስሚዖም፡፡
ኣብ መደረኦም ድማ ኢትዮጵያ ኢሉ እውን ኣፍሪካ ምስ ቻይና ዘለዋ ወፃኢ ንግዲን ቀጥታ ኢንቨስትመንትን ካብ እዋን ናእ እዋን እናዓበየ ብምምፅኡ ሓበራዊ ተረባሕነትን ምትሕብባርን ክልቲኡ ወገን እናዓበየ ከምዝመፅአ ገሊፆም።
እናዓበየ ዝመፅአ ኢኮኖሚያዊ ምትሕብባር ናብ ዝለዓለ ብርኪ ንምብፃሕ ካብ ማንም እዋን ንላዕሊ ኣብ ዲፒሎማሲ ቢዝነስ ኹኩረት ተገይሩ ክስራሕ ከምዝግባእ ኣገንዚቦም።
እቲ ሲምፖዚየም ንክልተ መዓልቲ ዝፀንሕ እንትኸውን፥ ዕዳጋ ወፃኢ ፍርያት ኢትዮጵያ ንምስፋሕ ዘኽእል ክልተኣዊ ልዝባት ከምዝካየዱ ካብቲ ሚኒስቴር ዝረኸብናዮ ሓበሬታ የረድእ።
እዋናዊ ሓበሬታ ንምርካብ፦
ቴሌግራም ገፅናhttps://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna https://www.youtube.com/…
ሓዱሽ መተግበሪ ፋና ብሮድካስቲንግ ኮርፖሬት https://play.google.com