ኣዲስ ኣበባ ፣ 15 ነሓሰ፣ 2015 (ኤፍ ቢ ሲ)ሱር ኮንስትራክሽን ኣብ ከተማ መቐለ ንዝሃንፆ ሪልእስቴት ዕላዊ መግበሪ መድረኽ ኣካይዱ።
ኣብቲ መድረኽ ዝተረኸቡ ርእሰ ምምሕዳር ግዚያዊ ምምሕዳር ክልል ትግራይ ኣይተ ጌታቸው ረዳ÷ “ሱር ኮንስትራሽን ኣብዚ እዋን ዝሓስቦም ዘሎ ፅቡቓት ስራሕቲ እንትረአ፤ ትግራይ ብደቃ ክትቅየር ከምትኽእል ዘረጋግፅ ኢዩ” ኢሎም።
ኣይተ ጌታቸው ረዳ÷ ዓቕሚ ትግራይ ናይ ደገ ሃፍቲ ዘይኮነስ ልዕሊ ኹሉን ቅድሚ ኹሉን ዝተወደበ ህዝቢ ከምዝኾነ እውን ኣብሪሆም።
“ትግራይ ሕዚ ኣትያቶ ዘላ ኩነታት ነምስትኽኻል፤ ኢንጅነራት፣ ሓካይም፣ ካልኦት ሰብ ሞያተኛታትን ሒዝና ትግራይ ንምልዋጥ ብዕቱብ ክንሰርሕ ኣለና“ ዝበሉ ኣይተ ጌታቸው ረዳ÷ ሰራሕተኛታትን መሪሕነትን ሱር ኮንስትራክሽን እዚ ፕሮጀክት ወፃኢ ብዝቑጥብን ስራሕ ዕድል ብዝፈጥርን ኣገባብ ኣብ ሓፂር ግዜ ከምዝፍፅምዎ ዘለዎም እምነት ገሊፆም።
ኣብቲ መድረኽ÷ ምክትል ግዚያዊ ምምሕዳር ክልል ትግራይ ሌ/ጀነራል ፃድቃን ገ/ትንሳኤ፣ ኣባላት ካቢኔ ግዝያዊ ምምሕዳር ትግራይ፣ ስብ ሃፍቲን ምሁራንን ከምዝተረኸቡ ካብ ቤት ፅሕፈት ርእሰ ምምሕዳር እቲ ክልል ዝረኸብናዮ ሓበሬታ የረድእ።
እዋናዊ ሓበሬታ ንምርካብ፦
ቴሌግራም ገፅናhttps://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna https://www.youtube.com/…
ሓዱሽ መተግበሪ ፋና ብሮድካስቲንግ ኮርፖሬት https://play.google.com