ኣዲስ ኣበባ፣ 20 መጋቢት፣ 2015 (ኤፍ ቢ ሲ) ሩሲያ ያርስ ብዝተብሃለ ኣህጉር ዘቋርፅ ባላስቲክ ሚሳኤል ብምጥቃም ወታደራዊ ልምምድ ምግባር ከምዝጀመረት ኣፍሊጣ።
ኣብቲ ወታደራዊ ልምምድ ልዕሊ 3 ሺሕ ወታደራት ተሳተፍቲ እንትኾኑ፥ 300 ዝበፅሕ ሚሳኤል ድማ ኣብ ረብሓ ከምዝወዓለ ኣልጄዚራ ንሚኒስቴር ምክልኻል ሩሲያ ፀሪሑ ፀብፂቡ።
ያርስ ዝተብሃለ ኣህጉር ዘቋርፅ ባላስቲክ ሚሳኤል፥ 12 ሺሕ ኪሎ ሜትሮ ወይ እውን 7 ሺሕን 500 ማይል ርሕቐት ክጓዓዝ ከምዝኽእልን ኣብ ውሽጡ ብዙሕ ዓረር ኒውክሌር ክሽከም ከምዝኽእልን ተገሊፁ፡፡
እቲ ናይ ሕዚ ወታደራዊ ልምምድ፥ ሩሲያ ኣብ ኣፅዋር ኒውክሌር ዘለዋ ዓቕሚ ንምርኣይ ዝዓለመ ኢዩ ተባሂሉ።
ፕሬዝዳንት ፑቲን፥ ያርስ ባላስቲክ ሚሳኤል ካብ ሞንጎ ዘይድፈሩ ጦር መሳርሒታት ሓደ ንምግባር ከምዝሓሰቡ ተሓቢሩ።
እዋናዊ ሓበሬታ ንምርካብ፦
ቴሌግራም ገፅና https://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna https://www.youtube